Dwarakadhish : ఛార్ధామ్ యాత్రలో భాగమైన ఈ ‘ద్వారకాధీశ్’ ఆలయం గుజరాత్లోని ద్వారక నగరంలో ఉన్న హిందూ దేవాలయం. ఇక్కడ ఉత్తరం వైపున ఉన్న ద్వారాన్ని మోక్షద్వారం అని..దక్షిణ దిశలో ఉన్న ద్వారాన్ని స్వర్గ ద్వారం అని అంటారు. భక్తులు స్వర్గ ద్వారం గుండా వెళ్లి మోక్షద్వారం గుండా వస్తారు. అందువల్లే ఈ ద్వారక నగరానికి మోక్షనగరమని పేరు.
ఒక్కరాత్రిలో నిర్మాణం..
ఈ విగ్రహంలో భగవానుడు నాలుగు చేతులతో ఉంటాడు. ఒక చేతిలో శంఖం, మరొక చేతిలో సుదర్శన చక్రం ఇంకో చేతిలో గద ఉండగా, నాల్గవ చేతిలో తామర పుష్పం ఉంటుంది. పురాణాలను అనుసరించి ఈ దేవాలయాన్ని విశ్వకర్మ ఒక్క రాత్రిలో నిర్మించాడని, అదే సమయంలో విగ్రహాన్ని కూడా ఆయనే చెక్కి ఇక్కడ ప్రతిష్టించాడని చెబుతారు. ఈ ఆలయాన్ని 2500 ఏళ్ల క్రితం సున్నపురాయితో నిర్మించినా.. ఇప్పటికీ చెక్కుచెదరలేదు.
రోజుకు ఐదు సార్లు జెండాలు మార్పు..
ఈ ద్వారకాధీశ్ ఆలయానికి ఎన్నో ప్రత్యేకతలు ఉన్నాయి. సూర్యచంద్రులు కలిగిన జెండాలు ఆలయ గోపురం మీద నిత్యం ఎగురుతూ ఉంటాయి. అయితే.. ఈ జెండాలను రోజుకు ఐదు సార్లు మారుస్తారట. ఇక్కడి మూల విరాట్టు వైష్ణవుడైనా ఆలయ నిర్మాణం మాత్రం శైవ సంప్రదాయంలో చోటు చేసుకొంది. ఈ ఆలయం నిత్యం భక్తులతో కిటకిటలాడుతుంటుంది.
Share
Shiva : శివుడు లింగ రూపంలోనే ఎందుకుంటాడు..?
Curse: తరాలపాటు.. వేధించే శాపాల గురించి తెలుసా..?
