Akash Puri: పేరు మార్చుకున్నా.. ఫేట్ మారుతోందా.. ?

Akash Puri: డేరింగ్ అండ్ డ్యాషింగ్ పూరి జగన్నాథ్ నట వారసుడుగా తెలుగు ఇండస్ట్రీలో అడుగుపెట్టాడు ఆకాష్ పూరి. ఆంధ్రాపోరి అనే సినిమాతో టాలీవుడ్ కు హీరోగా ఎంట్రీ ఇచ్చిన ఆకాష్ కు ఆశించిన ఫలితం దక్కలేదు. ఆ తరువాత వరుసగా.. మెహబూబా, రొమాంటిక్, చోర్ బజార్ లాంటి సినిమాల్లో నటించినా ఆకాష్ కు మాత్రం హీరోగా గుర్తింపు రాలేదు.

ఇంకోపక్క పూరికి సైతం కొడుకును హీరోగా నిలబెట్టలేకపోతున్నానే అనే బాధకూడా ఉంది. ఇక ఈ మధ్యకాలంలోనే కాదు.. మొదటినుంచి కూడా ఇండస్ట్రీలో పేరు కలిసి రాకపోతే కొత్త పేరు పెట్టుకోవడమో.. లేక పేరులో అక్షరాలను మార్చుకోవడమో, లేక కలుపుకోవడమో చేస్తుంటారు.తాజాగా ఆకాష్ పూరి కూడా పేరు మార్చుకున్నట్లు అధికారికంగా తెలిపాడు.

నేడు అతని పుట్టినరోజు కావడంతో తన పేరును మార్చుకోవడంతో పాటు.. ఇకనుంచి తన స్క్రీన్ నేమ్ కూడా అదే అని చెప్పుకొచ్చాడు. ఇప్పటివరకు ఆకాష్ ఇంటి పేరు అయిన పూరిని యాడ్ చేసి ఆకాష్ పూరి అని ఉండేది. ఇక ఇప్పుడు ఇంటిపేరును పక్కనపెట్టి తండ్రిపేరు అయిన జగన్నాథ్ ను యాడ్ చేసుకొని ఆకాష్ జగన్నాథ్ గా మార్చుకున్నట్లు తెలిపాడు.

ఇకనుంచి తన ప్రతి సినిమాలో ఆకాష్ జగన్నాథ్ అనే ఉండబోతుంది. ఇక దీంతో నెటిజన్స్.. పేరు మార్చుకున్నా.. ఫేట్ మారుతోందా అని అనుమానాలు వెల్లువెత్తుతున్నాయి. ప్రస్తుతం ఆకాష్ కొన్ని సినిమా కథలను వింటున్నాడట. త్వరలోనే ఒక కొత్త కథతో ప్రేక్షకుల ముందుకు రానున్నట్లు సమాచారం. మరి పేరు మార్చుకున్నాక ఆకాష్ ఫేట్ ఎలా ఉండబోతుందో చూడాలి.