Samyukta Menon: స్వామివారి సేవలో ‘సార్’ బ్యూటీ.. సామ్ ను గుర్తుచేస్తుందిగా..?

Samyukta Menon: మలయాళ బ్యూటీ సంయుక్త మీనన్ తిరుమలలో సందడి చేసింది. విఐపీ విరామ సమయంలో ఆమె స్వామివారిని దర్శించుకుంది. అందరిలా కాకుండా మెట్ల మార్గం గుండా నడుచుకుంటూ వెళ్లి శ్రీవారిని దర్శించుకుంది. వేదపండితులు ఆమెచేత ప్రత్యేక పూజలు చేయించారు. అనంతరం తీర్థ ప్రసాదాలు అందించారు. స్వామివారిని దర్శించుకోవడం సంతతోషంగా ఉందని ఆమె తెలిపింది. ఇకపోతే సంయుక్తా మీనన్ మెట్లు ఎక్కుతున్న విజువల్స్ ఇప్పుడు సోషల్ మీడియాలో వైరల్ అవుతున్నాయి.

ఇక ఈ వీడియో చూసిన నెటిజన్స్ సమంతను గుర్తుచేసుకుంటున్నారు.సమంత కూడా ప్రతిసారి తిరుమలకు వెళ్ళినప్పుడు కాలినడకనే స్వామివారిని దర్శించుకుంటుంది. ప్రస్తుతం సంయుక్త కూడా ఇలానే కాలినడకన వెళ్తుండగా.. సామ్ లానే ఉందే అని అభిమానులు కామెంట్స్ పెడుతున్నారు. ఇకపోతే సంయుక్త భీమ్లా నాయక్ సినిమా ద్వారా తెలుగుతెరకు పరిచయమైంది. ఈ సినిమా ఆమెకు మంచి విజయాన్ని అందించింది. ఆ తరువాత వరుసగా.. బింబిసార, సార్, విరూపాక్ష లాంటి హిట్ సినిమాలతో హిట్స్ అందుకొని గోల్డెన్ బ్యూటీగా మారింది.

ఇక ప్రస్తుతం సంయుక్త వరుస సినిమాలతో బిజీగా మారింది. ఈ మధ్యనే ఆదిశక్తి అనే సినిమాను ప్రకటించింది. ఇది కాకుండా ఈ చిన్నది బాలీవుడ్ లో కూడా కాలు మోపనుందని సమాచారం.. మూడురోజుల క్రితమే ఆమె ముంబైలో ఆడిషన్ ఇవ్వడానికి వెళ్లినట్లు తెలుస్తోంది. త్వరలోనే అందుకు సంబంధించిన వివరాలు అధికారికంగా రానున్నాయి. మరి ఈ సినిమాలతో సంయుక్త ఎలాంటి విజయాలను అందుకుంటుందో చూడాలి.