Adi Purush : పాన్ ఇండియా స్టార్ ప్రభాస్ టైటిల్ పాత్రలో నటిస్తోన్న చిత్రం ‘ఆది పురుష్’. రామాయణంను ఓం రౌత్ ఆది పురుష్ పేరుతో తెరకెక్కించారు. సంక్రాంతి సందర్భంగా జనవరి 12న త్రీడీ టెక్నాలజీలో సినిమాను విడుదల చేస్తున్నట్లు మేకర్స్ ప్రకటించారు. అయితే ఇప్పుడు సినీ సర్కిల్స్‌లో వినిపిస్తోన్న విశ్వసనీయ వర్గాల సమాచారం మేరకు‘ఆది పురుష్’ రిలీజ్ డేట్ మారింది. సంక్రాంతికి తెలుగులో భారీ చిత్రాలు రిలీజ్ అవుతున్నాయి. చిరంజీవి హీరోగా చేసిన వాల్తేరు వీరయ్య..బాలకృష్ణ నటించిన వీర సింహా రెడ్డి మూవీతో పాటు కోలీవుడ్ దళపతి విజయ్ సినిమా వారసుడు సినిమాలు బరిలోకి దిగుతున్నాయి.
‘ఆది పురుష్’ సిమాను మోషన్ క్యాప్చర్ టెక్నాలజీతో తెరకెక్కించారు. రీసెంట్‌గా విడుదలైన టీజర్‌తో సినిమాపై ఉన్న అంచనాలు తలకిందులయ్యాయి. డిస్ట్రిబ్యూటర్స్ సైతం ఇప్పుడు ఆది పురుష్ సినిమాను ఈ సమయంలో రిలీజ్ చేయటానికి ఆసక్తి చూపించటం లేదు. ఆ కారణంగా ఆది పురుష్ చిత్రాన్ని వాయిదా వేయాలని మేకర్స్ భావించి చర్చించి నిర్ణయం తీసుకున్నారట. తాజాగా సినీ సర్కిల్స్‌లో వినిపిస్తున్న టాక్ మేరకు వచ్చే ఏడాది సమ్మర్‌లో సినిమాను రిలీజ్ చేయటానికి ప్లాన్ చేస్తున్నారు. ఇండస్ట్రీ వర్గాల న్యూస్ మేరకు మార్చి 30న ఆది పురుష్ చిత్రాన్ని విడుదల చేయడానికి ప్లాన్స్ జరుగుతున్నాయి.
Share
Gujarath Morbi Bridge : మోర్బీ బ్రిడ్జ్ దుర్ఘటనలో పెరుగుతోన్న మృతుల సంఖ్య..
Credit Score : క్రెడిట్ స్కోరుపై ఎప్పుడు ఎఫెక్ట్ పడుతుందంటే..
