Allu Arjun: ఐకాన్ స్టార్ అల్లు అర్జున్ గురించి ప్రత్యేకంగా చెప్పాల్సిన అవసరం లేదు. ప్రస్తుతం వరుస సినిమాలతో బిజీగా ఉన్న బన్నీ.. సినిమాలకు ఎంత ప్రాధాన్యత ఇస్తాడో.. కుటుంబానికి కూడా అంతే ప్రాధాన్యతను ఇవ్వడం నేర్చుకున్నాడు. పెళ్లికి ముందు ఉన్న అర్జున్ వేరు.. పెళ్లి తరువాత ఉన్న అర్జున్ వేరు. అంతలా అతనిని మార్చేసింది భార్య స్నేహాలత. వీరిద్దరిది ప్రేమ వివాహాం.
బన్నీ ఏరికోరి స్నేహాను వివాహమాడాడు. వీరి పెళ్లి ఎంతో గ్రాండ్ గా జరిగింది. ఇక ఈ జంటకు 2014 లో అయాన్ పుట్టాడు. నేడు అయాన్ పుట్టినరోజు. నేడు అయాన్ పదవ పడిలోకి అడుగుపెట్టాడు. అయాన్ పుట్టినప్పటినుంచి చిన్నపాటి సెలబ్రిటీగా మారిపోయాడు. ఇక ఈ మధ్య అయాన్ అల్లరి పనుల వలన సోషల్ మీడియాలో కూడా అతడికి ఫ్యాన్ ఫాలోయింగ్ ఎక్కువ అయ్యింది. బన్నీనే కొడుకును మోడల్ అని చెప్పుకొచ్చాడు.
తాజాగా అల్లు అయాన్ కు బన్నీ స్పెషల్ బర్త్ డే విషెస్ చెప్పుకోచ్చాడు. “నా చిన్ని బాబు.. నా ప్రాణం.. హ్యాపీ బర్త్ డే లవ్ ఆఫ్ మై లైఫ్” అంటూ రాసుకొచ్చాడు. అయాన్ తో ఉన్న ఫొటోస్ ను షేర్ చేశాడు. ఇక ఈ ఫోటోలు ప్రస్తుతం నెట్టింట వైరల్ గా మారాయి. ఇక ఈ ఫోటోలలో తండ్రీకొడుకుల బాండింగ్ కనిపిస్తుంది. అయాన్ ను బన్నీ ముద్దుపెట్టుకోవడం, కలిసి కారులో ప్రయాణించిన్నప్పుడు సెల్ఫీలు తీసుకోవడం కనిపించాయి. అభిరామానులు సైతం ఈ ఫోటోలను షేర్ చేస్తూ అయాన్ కు బర్త్ డే విషెస్ తెలుపుతున్నారు. మరి భవిష్యత్తు లో అల్లు అయాన్.. నట వారసత్వం పుణికిపుచ్చుకుని తండ్రిలా హీరో అవుతాడో.. తాతలా నిర్మాణ రంగంలోకి అడుగుపెడతాడో చూడాలి.
Happy Birthday to the love of my life #alluayaan #nachinnibabu #mynaughtystar pic.twitter.com/x11P9WaHVu
— Allu Arjun (@alluarjun) April 3, 2024
Share
Central Govt Alert To Apple Users: యాపిల్ యూజర్లకు బిగ్ అలర్ట్.. ‘హై రిస్క్’ ఉందంటూ కేంద్ర హెచ్చరికలు జారీ
Sumalatha: బీజేపీలో చేరికపై సుమలత క్లారిటీ.. మాండ్యలో కుమారస్వామికి సపోర్ట్..
