Amaran: కోలీవుడ్ స్టార్ హీరో శివ కార్తికేయన్, సాయి పల్లవి జంటగా నటిస్తున్న చిత్రం అమరన్. రాజ్ కుమార్ పెరియసామి దర్శకత్వం వహిస్తున్న ఈ చిత్రాన్ని రాజ్‌కమల్ ఫిల్మ్స్ ఇంటర్నేషనల్ & సోనీ పిక్చర్స్ ఇంటర్నేషనల్ ప్రొడక్షన్స్ బ్యానర్స్ పై కమల్ హాసన్, సోనీ పిక్చర్స్ ఇంటర్నేషనల్ ప్రొడక్షన్స్, ఆర్. మహేంద్రన్ సంయుక్తంగా నిర్మిస్తున్నారు.
ఇప్పటికే ఈ సినిమా నుంచి రిలీజైన పోస్టర్స్, టీజర్ ప్రేక్షకులను విశేషంగా ఆకట్టుకున్నాయి. ఈ చిత్రంలో మేజర్ ముకుంద్ వరదరాజన్ గా శివ కార్తికేయన్ నటిస్తున్నాడు. తెలుగువారికి కూడా శివ కార్తికేయన్ సుపరిచితుడుగా మారాడు. ఆయన నటించిన ప్రతి చిత్రం తెలుగులో కూడా రిలీజ్ అవుతోంది. ఇక ఇప్పుడు పాన్ ఇండియా సినిమాగా ఈ చిత్రాన్ని తెరకెక్కిస్తున్నాడు రాజ్ కుమార్.
ఎప్పుడెప్పుడు ఈ సినిమా రిలీజ్ అవుతుందా అని అభిమానులు ఎంతగానో ఎదురుచూస్తున్నారు. ఎట్టకేలకు ఆ ఎదురుచూపులకు ఒక ఫుల్ స్టాప్ పడింది. తాజాగా అమరన్ రిలీజ్ డేట్ ను మేకర్స్ అధికారికంగా ప్రకటించారు. మొదట ఈ సినిమా సెప్టెంబర్ 27 న రిలీజ్ కానుందని ప్రకటించారు. కానీ, ఈ సినిమా ఇప్పుడు దీపావళీ కానుకగా అమరన్ అక్టోబర్ 31 న రిలీజ్ అవ్వనున్నట్లు మేకర్స్ తెలుపుతూ కొత్త పోస్టర్ ను కూడా రిలీజ్ చేసారు.
ఇక ఈ పోస్టర్ లో శివ కార్తికేయన్ ఒంటినిండా రక్తంతో సీరియస్ లుక్ లో కనిపించాడు. శివ కార్తికేయన్ వెనుక ఇండియా జెండాను చూపించారు. పోస్టర్ ప్రస్తుతం నెట్టింట వైరల్ గా మారింది. ఇక దీపావళీకే రామ్ చరణ్ గేమ్ ఛేంజర్ రానుందని వార్తలు వినిపిస్తున్నాయి. ఒకవేళ ఈ సినిమా కనుక లైన్లో ఉంటే అమరన్.. గేమ్ ఛేంజర్ తో తలపడతాడో..? తప్పుకుంటాడో చూడాలి.
"There lived a man who never feigned to be a hero…"
Let’s celebrate our #Amaran – #MajorMukundVaradarajan this Diwali 🙏👍
A film by @Rajkumar_KP#AmaranDiwali@ikamalhaasan #Mahendran @anbariv @gvprakash @Sai_Pallavi92 @RKFI @SonyPicsIndia @sonypicsfilmsin @turmericmediaTM… pic.twitter.com/SmeInSTUJz
— Sivakarthikeyan (@Siva_Kartikeyan) July 17, 2024
Share
Amazon Limited Offer on Mobile: లిమిటెడ్ ఆఫర్.. 5జీ ఫోన్‌పై కళ్లుచెదిరే డీల్.. త్వరగా ఫినిష్ చేయండి..!
Rohit Sharma: ఆ క్షణం.. నా మైండ్ బ్లాంక్ అయ్యింది.. ప్రపంచకప్ లో ఉత్కంఠ విజయంపై రోహిత్ శర్మ
