Amy Jackson Pregnancy: మళ్లీ తల్లి కాబోతున్న హీరోయిన్.. గ్యాప్ లేదు భయ్యా..!

Amy Jackson Pregnancy.. ప్రముఖ బ్రిటిష్ – ఇండియన్ యాక్టర్ అమీ జాక్సన్ (Amy Jackson) ప్రస్తుతం యూరప్ లో సెటిల్ అయిన విషయం తెలిసిందే. ఈమె తెలుగు, తమిళ ప్రేక్షకులకు కూడా బాగా సుపరిచితమే. ఎవడు, ఐ, రోబో 2 వంటి చిత్రాలలో నటించి, ఈ చిత్రాలతో భారీ పాపులారిటీ అందుకుంది. ఇకపోతే అమీజాక్సన్ సినిమా జీవితం కంటే వ్యక్తిగత కారణాలతోనే ఎక్కువగా వార్తల్లో నిలుస్తోంది. ఈ క్రమంలోనే మళ్లీ తల్లి అయి అందరిని ఆశ్చర్యపరిచింది.

మళ్లీ ప్రెగ్నెంట్ అయిన అమీ జాక్సన్..

అమీ జాక్సన్ గతంలో ఒక వ్యక్తితో డేటింగ్ చేసి ఒక బాబుకు జన్మనిచ్చి, ఆ తర్వాత పెళ్లి చేసుకోకుండానే అతడి నుంచి విడిపోయి, బాబుతో ఒంటరిగా జీవిస్తోంది. ఈ క్రమంలోనే 2024 జనవరి 29వ తేదీన ఈమె హాలీవుడ్ నటుడు ఎడ్ వెస్ట్ విక్ తో నిశ్చితార్థం జరగగా , ఆ తర్వాత 2024 ఆగస్టు 25న వివాహం చేసుకున్న విషయం తెలిసిందే. అందుకు సంబంధించిన ఫోటోలు కూడా సోషల్ మీడియాలో చాలా వైరల్ అయ్యాయి. ఇప్పుడు తాజాగా అమీ జాక్సన్ ప్రెగ్నెంట్ కాగా అందుకు సంబంధించిన బేబీ బంప్ ఫోటోలు షేర్ చేసింది. ఇది చూసిన నెటిజన్స్ కాస్తయినా గ్యాప్ ఇవ్వమ్మా.. మళ్లీ ప్రెగ్నెంట్ ఏంటి..? అంటూ కామెంట్లు చేస్తున్నారు.

భర్తతో బేబీ బంప్ ఫోటోలు వైరల్..

ఇక తన భర్త ఎడ్ వెస్ట్ విక్ తో క్యూట్ గా బేబీ బంప్ ఫోటోలు దిగి వాటిని సోషల్ మీడియాలో షేర్ చేయడంతో పలువురు అభిమానులు , నెటిజెన్లు, సెలబ్రిటీలు కూడా ఈమెకు శుభాకాంక్షలు తెలియజేస్తున్నారు.

అమీ జాక్సన్ విషయానికి వస్తే..

16వ యేటనే మోడల్ గా కెరియర్ ఆరంభించిన అమీ జాక్సన్ 2009లో మిస్ టీన్ వరల్డ్ గా అలాగే 2010లో మిస్ లివర్ పూల్ గా నిలిచింది. ఆ తర్వాత తమిళ సినీ దర్శకుడు ఏ.ఎల్. విజయ్ 2010లో తీసిన మద్రాసపట్టిణం అనే సినిమాలో హీరోయిన్ గా నటించింది. లండన్ లో ఉన్నప్పుడు అవకాశం రావడంతో ఇండియాకి వచ్చి నటించడం మొదలుపెట్టింది. 2012లో తన మొదటి బాలీవుడ్ సినిమా ఏక్ దివానా థా విడుదలయ్యింది. అదే ఏడాది ఈమె మొదటి తెలుగు సినిమా ఎవడు కూడా విడుదలయ్యింది. ఆ తర్వాత ప్రభుదేవా దర్శకత్వంలో అక్షయ్ కుమార్ నటించిన సింగ్ ఈజ్ బ్లింగ్ అనే సినిమాలో కూడా నటించింది ఈ ముద్దుగుమ్మ. ఈ ఏడాది మిషన్ చాప్టర్ వన్ అనే సినిమాతో పాటు క్రాక్ అనే హిందీ చిత్రంలో కూడా నటించింది. ఒక సినిమాలే కాకుండా బుల్లితెరపై కూడా సందడి చేసింది అమీ జాక్సన్. 2017లో ప్రారంభమైన సూపర్ గర్ల్ అనే హిందీ సీరియల్ లో ఇప్పటికీ కూడా నటిస్తూనే ఉంది. అలా ఒకవైపు కెరియర్ను కొనసాగిస్తూనే ఇంకొక వైపు ప్రెగ్నెంట్ అయ్యి అందరిని ఆశ్చర్యపరిచింది అమీ జాక్సన్.

Share

• 
• 
• 
• 
• 
•