Bahishkarana Trailer: హీరోయిన్ అంజలి ప్రస్తుతం ఒక పక్క సినిమాల్లో.. మరోపక్క వెబ్ సిరీస్ లలో నటిస్తూ బిజీగా మారింది. తాజాగా ఆమె నటించిన వెబ్ సిరీస్ బహిష్కరణ. జీ5 లో ఈ సిరీస్ రిలీజ్ కు రెడీ అవుతుంది. ముకేశ్ ప్రజాపతి దర్శకత్వం వహించిన ఈ సిరీస్ లో అనన్య నాగళ్ల కూడా కీలక పాత్రలో నటిస్తోంది. ఇప్పటికే ఈ సిరీస్ నుంచి రిలీజైన పోస్టర్స్, టీజర్ ప్రేక్షకులను విశేషంగా ఆకట్టుకున్నాయి.
తాజాగా బహిష్కరణ ట్రైలర్ ను మేకర్స్ రిలీజ్ చేశారు. ట్రైలర్ ఆద్యంతం ఆకట్టుకుంటుంది. రివెంజ్ విలేజ్ డ్రామాగా బహిష్కరణ కథ తెరకెక్కినట్లు తెలుస్తోంది. మంచోడు చేసే తప్పు ఏంటో తెలుసా.. చెడ్డవాడి చరిత్ర గురించి తెలుసుకోవడమే అనే డైలాగ్ తో ట్రైలర్ ప్రారంభమయ్యింది.
దర్శి(శ్రీ తేజ్) కు పుష్ప( అంజలి) అంటే బాగా ఇష్టం. ఆమెతో జీవితాన్ని ఊహించుకుంటాడు. కొత్తగా గ్రామానికి వచ్చిన పుష్ప ఎవరో ఏంటో కూడా తెలుసుకోకుండా ప్రేమిస్తాడు. ఆమె కూడా అతడితో సన్నిహితంగా ఉంటుంది. అయితే ఆ గ్రామంలో శివయ్య( రవీంద్ర విజయ్) పుష్ప మీద కన్నేస్తాడు. ఇక అలా పుష్ప వేశ్య అన్న విషయం తెలుస్తోంది. దీంతో మనసు విరిగిన దర్శి.. పుష్ప డబ్బుకోసమే ఇదంతా చేస్తుంది అని అనుకుంటాడు. కానీ, పుష్ప మాత్రం ఆ ఊరిలో జరిగే దురాగతాలను ఎదుర్కోవడానికి వచ్చానని చెప్తోంది. అసలు పుష్ప ఎవరు.. ? ఆమె గతం ఏంటి.. ? శివయ్యకు పుష్పకు ఉన్న రిలేషన్ ఏంటి.. ? అనన్య నాగళ్ళ ఎవరు.. ? అనేది సిరీస్ చూసి తెలుసుకోవాల్సిందే.
అంజలి పుష్పగా అదరగొట్టింది. రివెంజ్ తీర్చుకోవడానికి ఎలాంటి పని అయినా చేయడానికి రెడీ అయ్యి వేశ్యగా మారినట్లు ట్రైలర్ చూస్తుంటే తెలుస్తోంది. ఇక జూలై 19 న ఈ సిరీస్ జీ5 లో స్ట్రీమింగ్ కానుంది. మరి ఈ సిరీస్ తో అంజలి ఎలాంటి విజయాన్ని అందుకుంటుందో చూడాలి.
Share
Cabinet Sub Committer to visit Utnoor: రేపు ఉట్నూర్కు వెళ్లనున్న కేబినెట్ సబ్ కమిటీ.. ఎందుకంటే..?
Roman Babushkin: మోదీ పర్యటన అనంతరం రష్యా ప్రకటన, మాకు అస్సలు ఇష్టం లేదంటూ..
