Bathukamma: ఇండస్ట్రీలో దక్షిణాది సినిమాలు అదరగొడుతున్నాయి. ముఖ్యంగా తెలంగాణ యాసలో వచ్చిన సినిమాలు రచ్చ చేస్తున్నాయి. అర్జున్ రెడ్డి, డీజే టిల్లు, బలగం ఇటీవల వచ్చిన దసరా సినిమాలు బాక్సాఫీస్ బద్దలు కొట్టాయి. ఇది కలిసొస్తుండడంతో డైరెక్టర్లు కూడా తెలంగాణ యాసలో సినిమాలు తీసేందుకు ఇంట్రెస్ట్ చూపుతున్నారు. ఈ క్రేజ్‌ను అలాగే కొనసాగిస్తున్నారు.
తెలంగాణ యాస, సంస్కృతి సంప్రదాయాల్లో వచ్చిన ప్రతి సినిమా హిట్ అయింది. దీంతో బాలీవుడ్ కూడా తెలంగాణ వైపు చూస్తోంది. తెలంగాణ సంస్కృతి సంప్రదాయాల్లో సినిమాలను రూపొందిస్తున్నారు బాలీవుడ్ డైరెక్టర్లు. ఫర్హాద్ సామ్జీ దర్శకత్వంలో తెరకెక్కతున్న లేటెస్ట్ మూవీ ‘కిసీ కా భాయ్.. కిసీ కా జాన్’. ఫ్యామిలీ ఎంటర్‌టైనర్‌గా రూపొందుతున్న ఈ మూవీలో తెలంగాణ సంస్కృతి, పండుగలను కళ్లకు కట్టినట్లు చూపించనున్నారు. ఈ మూవీలో సల్మాన్ ఖాన్, వెంకటేష్, జగపతి బాబు, పూజా హెగ్దే, షెహ్‌నాజ్ గిల్, భూమిక ప్రధాన పాత్రలో నటిస్తున్నారు.
తాజాగా ఈ మూవీ నుంచి మేకర్స్ బతుకమ్మ సాంగ్‌ను రిలీజ్ చేశారు. వెంకటేష్, పూజా హెగ్దే, భూమిక బతుకమ్మలను తీసుకొచ్చి పాటలు పాడుతూ బతుకమ్మ ఆడడం సాంగ్‌లో చూడొచ్చు. సాంగ్ మధ్యలో పంచకట్టులో సల్మాన్ ఖాన్ ఎంట్రీ అదిరిపోయింది. అచ్చమైన తెలుగు సినిమాలోని సాంగ్‌లా ఉంది ఈ పాట. ప్రస్తుతం ఈ సాంగ్ నెట్టింట్లో హల్ చల్ చేస్తోంది.
Share
Mrunal Thakur: ‘సీతారామం’ వద్దన్నారు.. మృణాల్ ఠాకూర్ షాకింగ్ కామెంట్స్..
Artificial Intelligence : ఏఐను అడ్డుకోవడానికి టెక్ దిగ్గజాల భారీ ప్లాన్..
