Mrunal Thakur: ‘సీతారామం’ వద్దన్నారు.. మృణాల్ ఠాకూర్ షాకింగ్ కామెంట్స్..

Mrunal Thakur: ఇండస్ట్రీలోకి వెళ్లడం అంటే మామూలు విషయం కాదు. చెప్పులరిగే వరకు తిరిగినా అవకాశాలు దక్కడం కష్టం. స్టూడియోస్ ముందు ఎంతో మంది అవకాశాల కోసం పడిగాపులు కాస్తుంటారు. మరోవైపు కొందరు అవకాశాలు వచ్చినప్పటికీ ఇంట్లో పరిస్థితుల వల్ల సద్వినియోగం చేసుకోలేకపోతారు. తల్లిదండ్రులను ఒప్పించి, ఎదురించి కొందరు ఇండస్ట్రీలోకి వస్తే.. వారిని ఒప్పించలేక ఆగిపోయిన వారు ఎందరో ఉన్నారు.

అయితే స్టార్ హీరోయిన్ మృణాల్ ఠాకూర్ కూడా ఇండస్ట్రీలోకి వెళ్తానంటే తన తల్లిదండ్రులు ముందు ఒప్పుకోలేదట. పరిశ్రమలో ఇబ్బందులు ఎక్కువగా ఉంటాయని వద్దంటే వద్దన్నారట. కొన్ని రోజులకు తనలోని ట్యాలెంట్, ఆసక్తిని గమనించి ఒప్పుకున్నారట. ఆ తర్వాత మరాఠీ సీరియల్స్ లో నటించే అవకాశం వచ్చిందట మృణాల్‌కి.

సీరియల్స్ ద్వారా మంచి గుర్తింపు రావడంతో మరాఠీ సినిమాల్లో హీరోయిన్‌గా అవకాశాలు వచ్చాయట. విటిదండు అనే సినిమాతో హీరోయిన్‌గా ఇండస్ట్రీలోకి అడుగుపెట్టింది ఈ అమ్మడు. తెలుగులో ఇటీవల వచ్చిన సీతారామం సినిమాతో దేశవ్యాప్తంగా గుర్తింపు తెచ్చుకుంది. సీతామహాలక్ష్మి పాత్రలో నటించి అలరించింది.

తాను పోషించిన పాత్రల పట్ల తన తల్లిదండ్రులు సంతోషంగా ఉన్నారని మృణాల్ చెప్పుకొచ్చింది. ఈ విషయంలో తాను గర్వపడుతున్నట్లు వెల్లడించింది.