Bharateyudu 2: లోక నాయకుడు కమల్ హాసన్ లిస్ట్ లో ఈ ఏడాది ఒక హిట్.. ఒక ప్లాప్ పడ్డాయి. కల్కి 2898AD సినిమాలో సుప్రీమ్ యాస్కిన్ గా కొద్దిసేపు కనిపించినా కమల్ కు మంచి ప్రశంసలు దక్కాయి. ఈ సినిమా రూ. 1000 కోట్ల కల్బ లో చేరిన విషయం తెల్సిందే.
ఇక ఈ సినిమా రిలీజ్ అయిన కొన్ని రోజులకే కమల్ నటించిన భారతీయుడు 2 ప్రేక్షకుల ముందుకు వచ్చి పరాజయాన్ని అందుకుంది.శంకర్ దర్శకత్వంలో తెరకెక్కిన ఈ సినిమా జూలై 12న ప్రపంచవ్యాప్తంగా అయ్యింది. గతంలో వీరి కాంబోలో వచ్చిన భారతీయుడు కు సీక్వెల్ గా ఈ సినిమా తెరకెక్కడంతో అభిమానులు భారీ అంచనాలను పెట్టుకొని థియేటర్ కు వెళ్లి.. నిరాశతో బయటకు వచ్చారు.
సినిమా అస్సలు బాలేదని తేల్చి చెప్పారు. లెంత్ ఎక్కువ అయ్యిందని, కథ ఏం లేదని చెప్పారు. ఇక దీంతో మేకర్స్.. కొద్దినిమిషాల ఫుటేజ్ ను ట్రిమ్ చేసినా కూడా సినిమా ప్రేక్షకులను మెప్పించలేకపోయింది. ఇక దీంతో భారతీయుడు 2 ను ఓటీటీలో రిలీజ్ చేయడానికి మేకర్స్ ప్లాన్ చేశారు.
నార్మల్ గా అయితే రెండు నెలల వరకు ఈ సినిమాను ఓటీటీలో రిలీజ్ చేయకూడదని అగ్రిమెంట్ చేసుకున్నారట. కానీ, సినిమా ఆశించిన ఫలితాన్ని అందుకోలేకపోవడంతో నెలలోపే భారతీయుడు 2 ను ఓటీటీ బాట పట్టేలా చేసింది. ఆగస్టు 2న ఈ సినిమాను ఓటిటిలో స్ట్రీమింగ్ కు తీసుకొచ్చేందుకు నెట్ ఫ్లిక్స్ ప్రయత్నాలు చేస్తుందని టాక్. త్వరలోనే అధికారిక ప్రకటన కూడా రానుందని సమాచారం. మరి భారతీయుడు.. ఓటీటీలోనైనా గర్జిస్తాడేమో చూడాలి.
Share
IAS Smitha Tweet Controversy : స్మితా సభర్వాల్ వ్యాఖ్యలపై దుమారం.. ట్వీట్ ను సమర్థించుకున్న అధికారిణి
Ram NRI Grand Pre Release: 'ఫీల్ గుడ్ మూవీ 'రామ్ ఎన్ఆర్ఐ'.. లక్ష్మీ నందా ప్రాణం పెట్టి తీశాడు'
