Brahmanandam: బ్రహ్మానందం.. ఈ పేరు వినగానే ప్రేక్షకుల్లో ఓ రకమైన ఆనందం. ఎదుటివారిని నవ్వించడం బ్రహ్మానందంకి వెన్నతో పెట్టిన విద్య. ఆయన్ను చూస్తే చాలు ఉన్నపళంగా నవ్వేయాలనిపిస్తుంది. ఆయన ముఖంలో అంతటి కళ ఉంటుంది మరి. గత పది సంవత్సరాల క్రితం ఇండస్ట్రీలో ఆయన లేని సినిమా లేదు.. ఆయన నవ్వించలేని పాత్ర లేదు. అంతటి క్రేజ్ ఏ హీరోకు గాని, ఏ దర్శకుడికి గాని లేదు.. ఒక్క బ్రహ్మానందంకి తప్ప. ఆయన డేట్ల కోసం దర్శక నిర్మాతలు క్యూ కట్టేవారు.
అయితే ఈ మధ్య వయసు రీత్యా అనారోగ్యం సమస్యలతో సినిమాలకు దూరంగా ఉన్నారు. కేవలం ప్రాధాన్యత ఉన్న పాత్రలో మాత్రమే నటిస్తున్నారు. ఇదంతా ఇప్పుడెందుకు అనుకుంటున్నారా.. ఈ రోజు బ్రహ్మానందం బర్త్ డే. ఆయన 68వ పుట్టిన రోజును జరుపుకోబోతున్నారు. కాబట్టి ఆయనకు సంబంధించిన కొన్ని విషయాలు మీ కోసం..
బ్రహ్మానందం మొదటిగా నరేష్ హీరోగా నటించిన శ్రీ తాతావతారం అనే మూవీతో నటుడిగా ఆరంగేట్రం చేశారు. ఆ తర్వాత ఆహనా పెళ్లంట సినిమాతో మంచి పాపులారిటీ సంపాదించుకున్నారు. ఆపై ఆయన మళ్లీ వెనక్కి తిరిగి చూసుకోలేదు. ఒక్కొక్క పాత్రతో తన మార్క్ కామెడీతో ప్రేక్షకులను కడుపుబ్బా నవ్వించారు. తిరిగులేని కమెడియన్గా పేరు సంపాదించుకున్నారు. ఆయన్ని ఎలా చూసినా ఆడియన్స్ ముఖంలో నవ్వులే నవ్వులు.
దాదాపుగా 1250కి పైగా సినిమాలలో నటించిన బహ్మానందం 2010లో పద్మశ్రీ పురస్కారాన్ని కూడా అందుకున్నారు. సినీ దర్శక నిర్మాతలకే కాదు టాప్ మోస్ట్ హీరోలకు కూడా ఆయన ఒక ఫేవరేట్గా మారిపోయాడు. ఆయన వలనే చాలా సినిమాలు హిట్ అయ్యాయనడంలో ఎలాంటి అతిశయోక్తి లేదు.
ఇదంతా ఒకెత్తయితే ఇన్నేళ్లలో ఆయన ఎంత సంపాదించి ఉంటారు. ఆయన ఆస్తుల విలువ ఎంత ఉంటుంది అనే ఆలోచన అందరి మెదల్లో మెదులుతూనే ఉంది. ఈ క్రమంలో వాటికి సంబంధించిన ఓ వార్త కూడా తెగ వైరల్ అవుతోంది. నిజానికి బ్రహ్మానందం తనకు వచ్చే రెమ్యునరేషన్లో కొంత భాగాన్ని భూములపై ఇన్వెస్ట్ చేసేవారట. అలాగే ఆయన చేసిన పొదుపుల వల్ల కూడా మరింత స్థిరాస్తిని కూడబెట్టుకున్నారట. అలా ఆయన ఆస్తి ఇప్పుడున్న ధరలో దాదాపుగా రూ.750 కోట్ల వరకు ఉంటుందని ఇండస్ట్రీలో టాక్ వినిపిస్తోంది. ఈ విషయం తెలిసి అంతా ఆశ్చర్యపోతున్నారు.
Share
Union Budget 2024 : బడ్జెట్ వేళ.. కేంద్రం కీలక నిర్ణయం..!
Budget 2024 : మధ్యతరగతికి ఊరట లభించేనా?
