Allu Arjun : ‘పుష్ప 2’లో హీరో మెయిన్ డైలాగ్ లీక్ చేసిన బన్నీ

Allu Arjun : ద‌క్షిణాది సినిమాగా రిలీజై పాన్ ఇండియా రేంజ్‌లో సెన్సేష‌న‌ల్ హిట్ సాధించిన సినిమాల్లో పుష్ప ది రైజ్ సినిమా ఒక‌టి. ఐకాన్ స్టార్ అల్లు అర్జున్ క‌థానాయ‌కుడిగా సుకుమార్ ద‌ర్శ‌క‌త్వంలో రూపొందిన ఈ మూవీకి కొన‌సాగింపుగా ‘పుష్ప 2 ది రూల్’ సినిమా తెరకెక్కుతున్న సంగతి తెలిసిందే. అల్లు అర్జున్ త్వరలోనే షూటింగ్ కోసం యూనిట్‌తో జాయిన్ కాబోతున్నారు. ఈ సినిమా గురించి అంద‌రూ ఎంతో ఆస‌క్తిగా ఎదురు చూస్తున్నారు. ఈ సినిమా గురించి ఓ డైలాగ్‌ను బ‌న్నీ ‘ఊర్వశివో రాక్షసివో’ మూవీ థాంక్స్ మీట్‌లో చెప్పేశారు. ఇప్పుడా వీడియో నెట్టింట వైర‌ల్ అవుతుంది.

‘పుష్ప ది రైజ్‌’ చిత్రంలో హీరో పాత్రధారి తగ్గేదే లే అని చెప్పే డైలాగ్ అందరికీ గుర్తుండే ఉంటుంది. మ‌రి పార్ట్ 2గా వ‌స్తున్న ‘పుష్ప ది రూల్’ మూవీలో హీరోకి ఎలాంటి మేన‌రిజ‌మ్ డైలాగ్ ఉంటుందోన‌ని అంద‌రూ వెయిట్ చేస్తున్నారు. ఈ క్ర‌మంలో ‘ఊర్వశివో రాక్షసివో’ ఈవెంట్‌లో బన్నీ మాట్లాడుతూ ‘‘పుష్ప‌లో ‘తగ్గేదే లే’ అయితే పుష్ప 2లో ‘అస్సలు తగ్గేదే లే’’’ అన్నారు. అంటే హీరో అస్సలు తగ్గేదే లే అనే డైలాగే మేనరిజమ్‌గా ఉండబోతుందని అర్థమవుతుంది.

ఎర్ర చంద‌నం కూలీగా వ‌చ్చిన పుష్ప‌రాజ్ సిండికేట్ కింగ్‌గా మారేంత వ‌ర‌కు పుష్ప ది రైజ్‌లో చూపించిన సుకుమార్.. పుష్ప ది రూల్ లో పుష్ప‌రాజ్‌కి.. బైరాంసింగ్ షెకావ‌త్‌కి మ‌ధ్యన ఉండే ఇగో క్లాషెస్‌ను చూపింబచ‌బోతున్నారు. వ‌చ్చే ఏడాదిలోనే సినిమా రిలీజ్ అవుతుంది.