Pawan Samantha: పవన్‌ షూ.. సమంత చెప్పులు.. ధర తెలిస్తే అవాక్కే!

Pawan kalyan Latest Movie News(Latest Tollywood News): ‘బ్రో’ మూవీ పోస్టర్ చూశారుగా. పోలా.. మామాఅల్లుల్ల లుక్ అదిరిపోలా. ఈ పోస్టర్ ఫుల్‌గా వైరల్ అయింది. సోషల్ మీడియాలో షేర్లు, కామెంట్లతో ఫుల్ పబ్లిసిటీ. ఆ ఫోటోలో ఆ ఇద్దరు హీరోలతో పాటు పవన్ కల్యాణ్ వేసుకున్న ‘షూ’ మరింత ఆసక్తి రేపుతోంది.

వెరైటీగా ఉన్నాయా షూ. ముందు బ్లాక్ కలర్.. వెనకాల వైట్. బ్లాక్ అండ్ వైట్ కాంబినేషన్లో ఖతర్నాక్‌గా కనిపిస్తున్నాయి పవన్ వేసుకున్న షూ. అవి కూడా లావుగా, ఎత్తుగా.. గ్రాండ్‌గా ఉన్నాయ్. ఆ పోస్టర్ రిలీజ్ అయినప్పటి నుంచీ పవన్ కల్యాణ్ షూ కోసం ఆన్‌లైన్లో తెగ సెర్చ్ చేస్తున్నారు ఫ్యాన్స్. లాస్ట్‌కి అవి ఏం షూనో, ఎక్కడి షూనో, వాటి రేట్ ఎంతో తెలుసుకుని.. అవాక్కవుతున్నారు. వామ్మో.. అంతా? అని నోరెళ్లబెడుతున్నారు.

పవన్ వేసుకున్న షూ.. పారిస్‌కు చెందిన ప్రముఖ కంపెనీ ‘బాల్మేన్’ తయారు చేసిందట. ఆ షూ ధర.. అక్షరాల లక్ష రూపాయలు. అవును, లక్షే. ‘బ్రో’లో పవన్ కల్యాణ్ కోసం ఇలాంటివి 3 జతలు తెప్పించారని తెలుస్తోంది. ఈ విషయం తెలిసి తమ అభిమాన హీరో వేసుకున్నలాంటి షూ వేసుకోవాలని ఆశపడిన ఫ్యాన్స్ ఫుల్‌గా డిసప్పాయింట్ అవుతున్నారట. ఎంత అభిమానం ఉన్నా.. లక్ష పెట్టి షూ కొనలేరుగా. కనీసం అలాంటి డూప్లికేట్ షూ అయినా దొరుకుతాయేమోనని ఆన్‌లైన్ సైట్లను గాలించేస్తున్నారు పీకే ఫ్యాన్స్. పవనా..మజాకా.

పవన్ షూ లానే.. ఇటీవల సమంత చెప్పులు సైతం వైరల్ అవుతున్నాయి. ఆమె మరింత రిచ్ చెప్పులు వేసుకుని కనిపించారు. ప్రస్తుతం సమంత ‘సిటడెల్‌’ ఇండియన్‌ వెర్షన్‌లో నటిస్తున్నారు. ఇటీవల ఆ సిరీస్‌ షూటింగ్‌లో పాల్గొని.. హైదరాబాద్‌ తిరిగి వస్తూ.. ఎయిర్‌పోర్టులో కెమెరాకు చిక్కారు సమంత. బ్యాక్ ప్యాక్, వాటర్ బాటిల్, నడుముకు జాకెట్‌తో.. ఐఫోన్లో ఎవరితో మాట్లాడుతూ వెళ్తుండగా.. క్లిక్ మనిపించారు. ఆ ఫోటో సోషల్‌ మీడియాలో ట్రెండ్‌ అవుతోంది. సమంత లుక్స్‌తో పాటు ఆమె వేసుకున్న స్లైడ్స్ సైతం నెటిజన్లను బాగా ఆకట్టుకుంటున్నాయ్.

సమంత వేసుకున్న చెప్పుల కోసం ఆన్‌లైన్లో సెర్చ్ చేయగా.. అవి మామూలు స్లిప్పర్స్ కావని తేలింది. ‘లూయిస్‌ విట్టన్‌ పూల్‌ స్లైడ్స్‌’. అంతర్జాతీయ బ్రాండ్. అత్యంత ఖరీదైన ఉత్పత్తులను తయారు చేస్తుందీ కంపెనీ. ఆ సంస్థకు చెందిన సమంత వేసుకున్న చెప్పుల ధర.. రూ.1.30 లక్షలు అని తెలిసి వామ్మో అంటున్నారు. ఎంతైనా హీరోయిన్ కదా.. ఆ మాత్రం ఉంటుందిలే అనుకుంటున్నారు.

పవన్ అయినా, సమంత అయినా.. అట్లుంటది సినిమావాళ్లతోని.