Suhani Bhatnagar Death: బ్రేకింగ్.. ‘దంగల్‌’ మూవీ నటి సుహానీ మృతి

Dangal actor Suhani Died at 19: ప్రముఖ నటుడు అమీర్‌ ఖాన్‌ నటించిన ‘దంగల్‌’ చిత్రంలో బబితా పాత్రను పోషించిన సుహానీ భట్నాగర్ (19) మరణించారు. ఢిల్లీ ఎయిమ్స్‌ ఆస్పత్రిలో చికిత్స పొందుతూ మరణించినట్లు తెలిసింది. ఆమె మరణానికి గల కారణాలు ఇంకా తెలియాల్సి ఉంది. 19 ఏళ్ల సుహాని మరణావార్త సినీ పరిశ్రమను తీవ్ర దిగ్బ్రాంతికి గురి చేసింది.

గత కొంతకాలంగా అనారోగ్యంతో బాధపడుతున్న ఆమె శనివారం మృతి చెందినట్లు కుటుంబ సభ్యులు తెలిపారు. శరీరమంత నీరు పట్టడం వల్లే ఆమె మృతి చెందినట్లు వైద్యులు తెలిపారు. కొన్ని రోజుల క్రితం సుహానీ ప్రమాదానికి గురైన విషయం తెలిసిందే.

ఈ యాక్సిడెంట్‌లో ఆమె కాలు పూర్తి విరిగిపోయింది. కాలు ఫ్యాక్చర్‌ కోసం చికిత్స పొందుతున్న ఆమెపై వైద్యపరమైన ప్రతిచర్య చూపించాయి. దీంతో సుహానీకి శరీరమంతా నీరు వ్యాపించి అది పేరిగిపోవడం మొదలు కావడంతో ఢిల్లీలోని ఎయిమ్స్‌ ఆసుపత్రిలో చెర్పించారు. అక్కడ చికిత్స పొందుతూ ఆరోగ్యం పూర్తిగా క్షీణించి తుదిశ్వాస విడిచింది.

‘దంగల్‌’ సినిమాలో బబితా ఫోగట్‌ ప్రాతలో నటించిన సుహానీ ప్రేక్షకులను ఎంతగానో మెప్పించింది. ఈ సినిమాలో ఆమె నటనకు ప్రశంసల కూడా దక్కాయి. సినిమాలతో పాటు వాణిజ్య ప్రకటనల్లో, టెలివిజన్‌లో రానించారు. దంగల్‌ తరువాత అవకాశాలు వచ్చిన ఉన్నత చదువుల కోసం నటించలేదు. చదువు తరువాతే సినిమాలు అని ఆమె పలు ఇంటర్య్వూల్లో కూడా వెల్లడించారు.