Dasara Movie:హమ్మయ్య… ఇక నేచురల్ స్టార్ నానీని నార్మల్గా చూడొచ్చని హ్యాపీగా ఫీలవుతున్నారు ఆయన ఫీమేల్ ఫాలోయర్స్. ఇన్నాళ్లూ మాసిన గడ్డం, రేగిన జుట్టుతో మరోలా, మాసీగా కనిపించారు నానీ. ఆ లుక్ ఆయన నటిస్తున్న దసరా మూవీ కోసం. ఈ సినిమాలో నానీ మాస్ అవతార్లో కనిపించబోతున్నారు. అయితే ప్రస్తుతం ఆ సినిమాకు సంబంధించిన ఫైనల్ షెడ్యూల్ షూటింగ్ జరుగుతోంది. సో ఈ షెడ్యూల్ తర్వాత నానీ గడ్డాలు, జుట్టు తీసేసి నార్మతల్గా కనిపిస్తారన్నమాట. ఓదెల శ్రీకాంత్ డైరక్ట్ చేస్తున్న సినిమా ఇది. సుధాకర్ చెరుకూరి నిర్మిస్తున్నారు. ఎస్ ఎల్ వీ సినిమాస్ నిర్మిస్తోంది. ఈ సినిమా షూటింగ్ ప్రస్తుతం గోదావరి ఖనిలో జరుగుతోంది.
దసరా మూవీ చివరి షెడ్యూల్ ఫస్ట్ డే అంటూ ఈ మధ్యనే షూటింగ్ పిక్ని పంచుకున్నారు నాని. అక్కడ 15 రోజుల పాటు షూటింగ్ ఉంటుంది. అంటే బిఫోర్ పొంగల్ ఈ సినిమా షూటింగ్ కి గుమ్మడికాయ కొట్టేస్తారు. క్లైమాక్స్ షూటింగ్ జరుగుతోంది అక్కడ. మనసు, శరీరం, అన్నీ వంద శాతం పనిచేస్తున్నాయి.. ఈ సినిమా కోసం అనే మీనింగ్తో నాని పెట్టిన పోస్టును తెగ వైరల్ చేసేశారు ఫ్యాన్స్. పూర్తిగా ఈ సినిమాలో తెలంగాణ శ్లాంగ్లో మాట్లాడుతారు నాని. ఆయన పక్కన హీరోయిన్గా కీర్తీ సురేష్ నటిస్తున్నారు. నాని, కీర్తీది సక్సెస్ఫుల్ కాంబినేషన్. జరీనా వాహెబ్ కీ రోల్లో కనిపిస్తారు. ఈ సినిమాను తెలుగుతో పాటు తమిల్, కన్నడ, మలయాళం, హిందీలో మార్చి 30న విడుదల చేయబోతున్నారు. సమ్మర్ సీజన్లో ఇంత మాసీ అవతార్లో నానీ రావడం ఇదే తొలిసారి. అందుకే ప్రాణం పెట్టి సినిమా చేస్తున్నారు నాని.
Share
Corona Alert: రాహుల్ టార్గెట్ గానే కరోనా అలర్ట్?.. కావాలనే కొత్త వేరియంట్ పై కలకలం?
KCR: జై భారత్.. కొత్త యుద్ధానికి శంఖం పూరించామన్న కేసీఆర్
