Shankar Daughter Marriage: కోలీవుడ్ స్టార్ డైరెక్టర్ శంకర్ పెద్ద కూతురు ఐశ్వర్య శంకర్ వివాహం ఘనంగా జరిగింది. అసిస్టెంట్ డైరెక్టర్ తరుణ్ కార్తికేయతో ఐశ్వర్య వివాహం చెన్నై లో ఎంతో గ్రాండ్ గా జరిగింది. ఈ పెళ్ళికి కోలీవుడ్ మొత్తం హాజరైంది. రజినీకాంత్, కమల్ హాసన్, విక్రమ్, సూర్య, కార్తీ తదితరులు హాజరై నూతన వధూవరులను ఆశీర్వదించారు. ఇందుకు సంబంధించిన ఫోటోలు నెట్టింట వైరల్ గా మారాయి.
ఇది ఐశ్వర్యకు రెండో పెళ్లి. 2021 లో దామోదర్ రోహిత్ అనే క్రికెటర్ తో వివాహాం జరిగింది. అయితే అతనిపై లైంగిక వేధింపుల కేసు రావడంతో.. ఐశ్వర్యనే అతడి నుంచి విడాకులు తీసుకొని విడిపోయింది. ఇక దాదాపు మూడేళ్ళ తరువాత శంకర్.. తన దగ్గర అసిస్టెంట్ డైరెక్టర్ గా పనిచేస్తున్న తరుణ్ కార్తికేయతో ఈ ఏడాది ఫిబ్రవరిలో నిశ్చితార్థం జరిపించాడు. ఇక నేడు వీరి వివాహం ఘనంగా జరిగింది.
ఐశ్వర్య కాకుండా శంకర్ కు అదితి అనే కూతురు ఉంది. ఆమె హీరోయిన్ గా కొనసాగుతోంది. శంకర్ కు.. తన కూతుళ్లను సినిమాల్లోకి తీసుకురావాలని లేదు. కానీ, అదితి పట్టుబట్టి సినిమాల్లోకి వచ్చింది. ప్రస్తుతం అదితి హీరోయిన్ గా, సింగర్ గా కొనసాగుతుంది. ఇక శంకర్ విషయానికొస్తే.. ప్రస్తుతం ఆయన చేతిలో రెండు భారీ ప్రాజెక్ట్స్ ఉన్నాయి. ఒకటి ఇండియన్ 2.. ఇంకొకటి గేమ్ ఛేంజర్. ఈ రెండు సినిమాలపై అభిమానులు భారీ అంచనాలను పెట్టుకున్నారు. మరి ఈ సినిమాలతో శంకర్ ఎలాంటి విజయాన్ని అందుకుంటాడో చూడాలి.
Director #Shankar Daughter #AishwaryaShankar & Shankar AD #TarunKarthikeyan Got Married Today✨ pic.twitter.com/1Yj0zmGOIa
— Saloon Kada Shanmugam (@saloon_kada) April 15, 2024