Kiran Abbavaram: యంగ్ హీరో కిరణ్ అబ్బవరం గురించి ప్రత్యేకంగా చెప్పాల్సిన అవసరం లేదు. టాలీవుడ్ లో స్టార్ హీరోగా ఎదగడానికి కిరణ్ చాలా కష్టపడుతున్నాడు. ఎన్ని ట్రోల్స్ వచ్చినా.. ఎదుర్కొని నిలబడుతున్నాడు. ఈ మధ్యనే కిరణ్.. తన మొదటి సినిమా హీరోయిన్ రహస్య గోరఖ్ ను వివాహమాడిన సంగతి తెల్సిందే. ప్రస్తుతం ఈ జంట దేవుడి దర్శనాలలో బిజీగా మారింది.
ఇక కిరణ్ కెరీర్ సంగతికి వస్తే.. ప్రస్తుతం క అనే సినిమాలో నటిస్తున్నాడు. స్టార్ హీరోలే కాకుండా కుర్ర హీరోలు కూడా ఈ మధ్య పాన్ ఇండియా సినిమాలపై మనసు పారేసుకుంటున్నారు. కిరణ్ సైతం క సినిమాతో పాన్ ఇండియా మార్కెట్ లోకి అడుగుపెట్టబోతున్నాడు.
సుజీత్, సందీప్ దర్శకత్వం వహిస్తున్న ఈ చిత్రాన్ని శ్రీమతి చింతా వరలక్ష్మి సమర్పణలో శ్రీ చక్రాస్ ఎంటర్టైన్మెంట్స్ పతాకం మీద చింతా గోపాలకృష్ణ రెడ్డి నిర్మిస్తున్నారు. పీరియాడికల్ నేపథ్యంలో తెరకెక్కుతున్న ఈ చిత్రంలో కిరణ్ సరసన నయన్ సారిక, తన్వీ రామ్ నటిస్తున్నారు. ఇప్పటికే ఈ చిత్రం నుంచి రిలీజైన పోస్టర్స్, సాంగ్ ప్రేక్షకులను విశేషంగా ఆకట్టుకున్నాయి.
ఇక ఈ సినిమాపై మలయాళ స్టార్ హీరో కన్ను పడడంతో ఎక్కడలేని హైప్ వచ్చేసింది. మలయాళ స్టార్ హీరో దుల్కర్ సల్మాన్.. ప్రస్తుతం హీరోగానే కాకుండా నిర్మాతగా కూడా మారిన విషయం తెల్సిందే. వేఫేరర్ ఫిల్మ్స్ అనే పేరుతో దుల్కర్ ఒక ప్రొడక్షన్ హౌస్ ను నడుపుతున్నాడు.
తాజాగా క సినిమాను మలయాళంలో వేఫేరర్ ఫిల్మ్స్ రిలీజ్ చేస్తున్నట్లు మేకర్స్ ప్రకటించారు. నిజం చెప్పాలంటే.. కిరణ్ కు ఇది మంచి అవకాశం. మాలీవుడ్ లో దుల్కర్ కు ఒక స్టార్ డమ్ ఉంది. ఇక ఆయన బ్యానర్ లో క రిలీజ్ అవుతుంది అంటే.. కిరణ్ కు మలయాళంలో మంచి పేరు వచ్చే అవకాశం ఉంది.
క సినిమా కథ విని , ఇప్పటివరకు వచ్చిన అవుట్ ఫుట్ ను చూసి .. దుల్కర్ ఈ నిర్ణయం తీసుకున్నాడట. ఇక దుల్కర్ నే ఈ సినిమా మెప్పించింది అంటే.. కథలో బలం ఉన్నట్టే అని అభిమానులు అభిప్రాయపడుతున్నారు. మొదటి అడుగులోనే కిరణ్.. మంచి స్టార్ హీరోను బుట్టలో పడేశాడు. ప్రస్తుతం ఈ సినిమా షూటింగ్ శరవేగంగా జరుగుతుంది. త్వరలోనే క ప్రేక్షకుల ముందుకు రానుంది. మరి ఈ సినిమాతో కిరణ్ ఎలాంటి విజయాన్ని అందుకుంటాడు అనేది తెలియాల్సి ఉంది.
With all your positive response “KA” is getting bigger and better day by day. Promising you with the best experience in theatres very soon. Thank you @DQsWayfarerFilm for taking “KA” to our Malayalam audience.#KA #Srichakraasentertainments pic.twitter.com/X2tBEyaElB
— Kiran Abbavaram (@Kiran_Abbavaram) September 9, 2024
Share
Realme NARZO 70 Turbo 5G: ఊహించలేదు భయ్యా.. రియల్మి న్యూ నుంచి క్లాసిక్ స్మార్ట్ఫోన్ లాంచ్, ఫస్ట్సేల్లో భారీ తగ్గింపు!
Sravanthi Chokarapu: చీర కట్టులో యువరాణిలా మెరిసిపోతున్నయాంకర్ స్రవంతి
