బాలీవుడ్ డైరెక్టర్ సిద్ధార్థ ఆనంద్ – హీరో హృతిక్ రోషన్ కాంబినేషన్లో తెరకెక్కుతోన్న లేటెస్ట్ భారీ బడ్జెట్ మూవీ ‘ఫైటర్’. దీపికా పదుకొనే హీరోయిన్గా నటిస్తోంది. దేశభక్తి నేపథ్యంలో ఈ సినిమా రూపొందుతోంది. ఇప్పటికే ఈ మూవీ నుంచి రిలీజ్ అయిన టీజర్, ట్రైలర్ సినిమాపై భారీ అంచనాలను పెంచేసాయి.
ఇక జనవరి 25న ప్రేక్షకుల ముందుకు రాబోతోన్న ఈ సినిమాకు తాజాగా భారీ షాక్ తగిలింది. యూఏఈలో తప్ప గల్ఫ్ దేశాల్లో ఈ మూవీ రిలీజ్కు రెడ్ సిగ్నల్ పడింది. తాజాగా ఈ విషయాన్ని ‘ఫైటర్’ మూవీ నిర్మాత గిరీష్ జోహార్ ప్రకటించారు. అయితే అక్కడ ఈ మూవీ బ్యాన్ అవ్వడానికి గల కారణాన్ని ఆయన వెల్లడించలేదు.
వాస్తవానికి గల్ఫ్ దేశాల్లోని రూల్స్ ప్రకారం.. తీవ్రవాదం లేదా భారత్ – పాకిస్తాన్ వివాదాల అంశాలతో తెరకెక్కిన సినిమాల రిలీజ్ను అక్కడ బ్యాన్ చేస్తుంటారు. ఇదే కారణంతో ఇప్పటిదాకా చాలా ఇండియన్ సినిమాలు గల్ఫ్ దేశాల్లో బ్యాన్ అయ్యాయి. అంతేకాదు.. ఇటీవల సల్మాన్ ఖాన్ నటించిన ‘టైగర్ 3’ మూవీ కూడా అక్కడ బ్యాన్ అయ్యింది. ఇప్పుడు ఫైటర్ మూవీ కూడా అదే స్టోరీ లైన్తో వస్తుండడంతో బ్యాన్ తప్పలేదు.
Share
Mamata Banerjee : రోడ్డు ప్రమాదం.. దీదీ తలకు గాయం..
Netflix : పాస్వర్డ్ షేరింగ్ కట్టడి.. నెట్ఫ్లిక్స్ కు భారీ లాభం..!
