Harsha Sai : పాపులర్ యూట్యూబర్ హర్ష సాయి కేసు రోజుకో మలుపు తిరుగుతోంది. ఇప్పటిదాకా అతను ఎక్కడున్నాడో పోలీసులు కనిపెట్టలేకపోయారు. కానీ తాజా సమాచారం ప్రకారం హర్ష సాయి ఆచూకీ తెలిసినట్టుగా ప్రచారం జరుగుతుంది. అది కూడా ఓ పాపులర్ యూట్యూబర్ తో అతను అడ్డంగా బుక్ అయ్యాడని తెలుస్తోంది. మరి హర్ష సాయి ఎక్కడున్నాడు? అనే వివరాల్లోకి వెళితే…
పాపులర్ యూట్యూబర్ తో అడ్డంగా బుక్ అయిన హర్ష సాయి
యూట్యూబ్, సోషల్ మీడియా ద్వారా అతి తక్కువ కాలంలోనే పాపులర్ అయిన హర్ష సాయి ‘మెగా’ అనే సినిమాతో హీరోగా లంచ్ కావడానికి ట్రై చేశాడు. కానీ అంతలోనే వరుస వివాదాలతో ఇప్పుడు కంటికి కనిపించకుండా పరారయ్యాడు. ఇటీవల బెట్టింగ్ యాప్స్ ప్రమోట్ చేస్తున్నాడనే కారణంతో వివాదంలో చిక్కుకున్న హర్ష సాయి, తాజాగా అత్యాచారం కేసులో ఇరుక్కున్నాడు. తనను పెళ్లి చేసుకుంటానని చెప్పి రెండు కోట్లు తీసుకుని మోసం చేశాడని, తనపై అత్యాచా*రం చేశాడంటూ రీసెంట్ గా ఓ యువతి నార్సింగ్ పోలీస్ స్టేషన్లో ఫిర్యాదు చేసి సంచలనం సృష్టించింది. దీంతో అతనిపై ఇప్పటికే సెక్షన్ 376, 354 కింద కేసులు నమోదు చేసి పోలీసులు దర్యాప్తు చేస్తున్నారు. ఇప్పటిదాకా హర్ష సాయి ఈ వివాదంపై డైరెక్ట్ గా ఎక్కడా మాట్లాడలేదు. పైగా పరారీలో ఉన్న ఇతన్ని పట్టుకోవడానికి పోలీసులు గట్టిగానే ప్రయత్నిస్తున్నారు. ఈ నేపథ్యంలోనే ఆయన విదేశాలకు వెళ్లిపోయే ప్రమాదం ఉందంటూ మరో కంప్లైంట్ నమోదయింది. అయితే తాజాగా హర్ష సాయి ఆచూకీ లభ్యమైంది అంటూ ఓ వార్త వైరల్ అవుతుంది.
ప్రపంచ యాత్రికుడు అంటూ యూట్యూబ్ లో పాపులర్ అయిన ఒక యూట్యూబర్ తో కలిసి హర్ష సాయి విదేశాలకు వెళ్లిపోయాడని, అతని దగ్గరే తల దాచుకుంటున్నాడనే రూమర్ చక్కర్లు కొడుతోంది. మరి ఈ వార్తలో ఎంతవరకు నిజం ఉందనే విషయం తెలీదు గానీ, పోలీసులు హర్షతో పాటు ఆ యూట్యూబర్ పై కూడా కఠినమైన చర్యలు తీసుకుంటారా? అనేది ఆసక్తికరంగా మారింది. మొత్తానికి హర్ష సాయితో పాటు ఆ యూట్యూబర్ కూడా అడ్డంగా బుక్ అవ్వడం విశేషం. గతంలో హర్ష సాయి హెల్ప్ స్కామ్ గురించి సదరు యూట్యూబరే బయట పెట్టారు.
ఆడియోలతో పని కానిచ్చేస్తున్న హర్ష సాయి
తనపై అత్యాచార ఆరోపణలు రాగానే సోషల్ మీడియా వేదికగా తాను ఎలాంటి తప్పు చేయలేదని, త్వరలోనే నిజం బయటపడుతుందని సోషల్ మీడియా వేదికగా కామెంట్ చేసి వదిలేసాడు హర్ష సాయి. ఆ తర్వాత అంతా అతని లాయర్ చూసుకుంటాడు అంటూ కనిపించకుండా పోయాడు. అప్పుడప్పుడు సోషల్ మీడియాలో సదరు బాధిత యువతకి, తనకు మధ్య అసలు ఏం జరిగింది ? అనే విషయాన్ని ఆడియోల రూపంలో బయట పెడుతున్నాడు. రీసెంట్ గా రిలీజ్ అయిన ఓ షాకింగ్ ఆడియోలో తనకు, ఆ యువతికి మధ్య నడిచిన రొమాంటిక్ డిస్కషన్ ని బయట పెట్టి షాక్ ఇచ్చాడు. కానీ చాలా వరకు ఆయన రిలీజ్ చేసే ఆడియోలలో అమ్మాయి వాయిస్ మాత్రమే ఎక్కువగా వినిపిస్తున్నాడంతో అతను ఎడిట్ చేసే రిలీజ్ చేశాడు అనే ఆరోపణలు వినిపిస్తున్నాయి. మరి పోలీసులు ఇతన్ని ఎప్పుడు అరెస్ట్ చేస్తారు? చివరికి ఏం జరుగుతుంది? అనేది చూడాలి.
Share
Amazon Smart Watch Sale : సూపర్ డీల్ బాస్.. ఇప్పుడు కొనకపోతే ఇంకెప్పుడూ కొనలేరు.. స్మార్ట్ వాచెస్ పై అదిరిపోయే ఆఫర్స్!
Nirmala Sitharaman: ఆ స్కీమ్ వెనుక భారీ అవినీతి? ఆర్థికమంత్రి నిర్మలా సీతారామన్‌పై కేసు!
