Indian 2: ఎట్టకేలకు రిలీజ్ డేట్ ప్రకటించిన భారతీయుడు..

Indian 2: విక్రమ్ సినిమా తర్వాత కమల్ హాసన్ జోరు పెంచిన విషయం తెలిసిందే. ప్రస్తుతం ఆయన చేతిలో వరస సినిమాలు ఉన్నాయి. అందులో ఒకటి ఇండియన్ 2. స్టార్ డైరెక్టర్ శంకర్ దర్శకత్వంలో తెరకెక్కిన భారతీయుడు సినిమా ఏ రేంజ్ లో హిట్ అయ్యిందో ప్రత్యేకంగా చెప్పాల్సిన అవసరం లేదు. ఇక దాదాపు 37 ఏళ్ల తర్వాత భారతీయుడు సీక్వెల్ ను కమల్- శంకర్ ప్రకటించారు. అయితే ఈ సినిమా మొదలైనప్పటినుంచి వివాదాలతోనే కొనసాగుతుంది. కొన్నిరోజులు లైకా ప్రొడక్షన్స్ కు, శంకర్ కు మధ్య వివాదాల వలన సినిమాషూటింగ్ ఆగింది. ఇంకొన్ని రోజులు సెట్ లో జరిగిన ఒక పెను ప్రమాదం వలన షూటింగ్ ఆగింది.

ప్రస్తుతం ఈ వివాదాలకు ఫుల్ స్టాప్ పెట్టిన శంకర్ ఎట్టకేలకు మళ్లీ సినిమాను సెట్స్ పైకి తీసుకు వెళ్లాడు. గేమ్ ఛేంజర్ సినిమాను పక్కనపెట్టి మరీ శంకర్.. ఇండియన్ 2 ను ఫినిష్ చేస్తున్నాడు. ఇప్పటికే ఈ చిత్రం నుంచి రిలీజ్ అయిన పోస్టర్స్ ప్రేక్షకుల్ని విశేషంగా ఆకట్టుకుంటున్నాయి. లైకా ప్రొడక్షన్స్ కొన్ని వందల కోట్ల బడ్జెట్ తో తెరకెక్కిస్తున్న ఈ చిత్రంలో కాజల్ అగర్వాల్, రకుల్ ప్రీత్ సింగ్ హీరోయిన్స్ గా నటిస్తున్నారు. ఇక ఎప్పుడు ఎప్పుడు ఈ సినిమా రిలీజ్ అవుతుందా అని ఎదురుచూస్తున్న అభిమానులకు మేకర్స్ ఒక గుడ్ న్యూస్ తెలిపారు. ఎట్టకేలకు ఈ సినిమా రిలీజ్ డేట్ ను చిత్రబృందం అధికారికంగా ప్రకటించారు.

జూన్ నెలలో భారతీయుడు రాబోతున్నాడని చెప్పుకొస్తూ ఒక పోస్టర్ ను రిలీజ్ చేశారు. ఈ పోస్టర్ లో సేనాపతి తెల్లటి ధోతీ, కుర్తా ధరించి, చేతులకు సంకెళ్ళతో అదిరిపోయే లుక్ లో కనిపించాడు. అంతేకాకుండా ఇండియన్ 2 కింద జీరో టోలరెన్స్ అనే క్యాప్షన్ ఇచ్చి మరింత హైప్ క్రియేట్ చేశారు. ” సేనాపతి మళ్లీ వస్తున్నాడు. ఇండియన్ 2 ఈ జూన్ లో థియేటర్లో దూసుకుపోవడానికి సిద్ధంగా ఉంది. ఎపిక్ సాగా కోసం మీ క్యాలెండర్‌ను రెడీ చేసుకోండి” అంటూ మేకర్స్ రాసుకోచ్చారు. ప్రస్తుతం ఈ పోస్టర్ నెట్టింట వైరల్ గా మారింది. ఇక ఇందులో గమనించాల్సిన విషయం ఏంటంటే.. జూన్ నెల అని ప్రకటించారు కానీ డేట్ ను రిలీజ్ చేయలేదు. దీంతో ఇంకా కన్ఫ్యూజన్ ఏంటి అనేది అభిమానులకు తెలియట్లేద. మరి భారతీయుడు జూన్ లో మరోసారి ఇండస్ట్రీని షేక్ చేస్తాడేమో చూడాలి.

Gear up for the comeback of Senapathy!🤞INDIAN-2 🇮🇳 is all set to storm in cinemas this JUNE. Mark your calendar for the epic saga! 🫡🔥#Indian2 🇮🇳
🌟 #Ulaganayagan @ikamalhaasan
🎬 @shankarshanmugh
🎶 @anirudhofficial
📽️ @dop_ravivarman
✂️🎞️ @sreekar_prasad
🛠️ @muthurajthangvl… pic.twitter.com/kwiKyAcNta

— Lyca Productions (@LycaProductions) April 6, 2024

Share

• 
• 
• 
• 
• 
•