Jani Master : జానీ మాస్టర్ కు ఝలక్ ఇచ్చిన కోర్టు… కస్టడీకి గ్రీన్ సిగ్నల్

Jani Master : పాన్ ఇండియా రేంజ్ లో ఉన్న టాప్ కొరియోగ్రాఫర్ లలో ఒకరిగా అరుదైన గుర్తింపును సంపాదించుకున్న జానీ మాస్టర్ ఇటీవలే రేప్ కేసులో చిక్కుకున్న విషయం తెలిసిందే. రీసెంట్ గా తన అసిస్టెంట్ కొరియోగ్రాఫర్ జానీ మాస్టర్ లైంగికంగా వేధిస్తున్నాడు అంటూ కేసు పెట్టిన కేసు తీవ్ర దుమారం రేపింది. ఈ నేపథ్యంలోనే ప్రస్తుతం పోలీసుల అదుపులో ఉన్న జానీ మాస్టర్ కు కోర్టు ఝలక్ ఇచ్చింది.

జానీ మాస్టర్ కస్టడీకి గ్రీన్ సిగ్నల్…

జానీ మాస్టర్ తనను లైంగికంగా వేధించడంతో పాటు మతం మార్చుకుని పెళ్లి చేసుకోవాలని ఒత్తిడి తీసుకొచ్చాడంటూ ఆయన అసిస్టెంట్ కొరియోగ్రాఫర్ పెట్టిన కేసు టాలీవుడ్ ను షేక్ చేసింది. అమ్మాయి మైనర్ గా ఉన్నప్పుడే అత్యాచారం చేశారని ఆరోపణలు వచ్చిన నేపథ్యంలో జానీ మాస్టర్ పై కేసు నమోదైంది. ఆ తర్వాత పలు కీలక పరిణామాలు చోటు చేసుకున్నాయి. జానీ మాస్టర్ కేసు నుంచి తప్పించుకోవడానికి పరారీ కాగా, గోవాలోని ఓ రిసార్ట్ లో అతన్ని అదుపులోకి తీసుకున్నారు పోలీసులు. అనంతరం హైదరాబాద్ కు తీసుకొచ్చి ఉప్పరపల్లి కోర్టులో ప్రవేశ పెట్టగా కోర్టు అతనికి రిమాండ్ విధించిన సంగతి తెలిసిందే. ఈ నేపథ్యంలోనే అతన్ని చర్లపల్లి జైలుకు తరలించారు. అయితే తాజాగా జానీ మాస్టర్ ను కస్టడీకి కోరుతూ పోలీసులు కోర్టులో పిటిషన్ వేశారు. పోలీసులు రంగారెడ్డి జిల్లా ఫోక్సో కోర్టుకు బదిలీ చేశాక ఈ పిటిషన్ వేశారు. ఆయన్ని కస్టడీలోకి తీసుకొని ప్రశ్నిస్తే పలు కీలక విషయాలు తెలుస్తాయని పోలీసులు వేసిన పిటిషన్ తో ఏకీభవించిన కోర్టు అతన్ని కస్టడీకి అప్పగిస్తూ ఉత్తర్వులు జారీ చేసింది. జానీ మాస్టర్ ను వారం రోజుల పాటు కస్టడీకి అప్పగించాల్సిందిగా కోరుతూ నార్సింగ్ పోలీసులు కోర్టులో పిటిషన్ వెయ్యగా, ఆయనను నాలుగు రోజుల పాటు కస్టడీకి అప్పగిస్తూ రంగారెడ్డి జిల్లా కోర్టు తాజాగా ఆదేశాలు జారీ చేసింది.

బెయిల్ విచారణ వాయిదా 

తాజాగా జానీ మాస్టర్ కు ఈ అత్యాచారం కేసులో కోర్టు పోలీసుల కస్టడీకి గ్రీన్ ఇవ్వడంతో ఎదురుదెబ్బ తగిలినట్టుగా అయ్యింది. ఇదిలా ఉంటే జానీ మాస్టర్ చేసిన బెయిల్ పిటిషన్ విచారణను సోమవారానికి వాయిదా వేసింది కోర్టు. మరి జానీ మాస్టర్ కు బెయిల్ దొరుకుతుందా? కస్టడీకి తీసుకోబోతున్న నార్సింగ్ పోలీసులు అతని నుంచి రాబట్టబోయే విషయాలు ఏంటి? అనే విషయం తెలియాలంటే మరికొన్ని రోజులు వెయిట్ చేయాల్సిందే. ఈ క్రమంలో జైలుకు వెళ్ళే ముందు న్యాయపరంగా పోరాడతాను అంటూ కామెంట్స్ చేసిన జానీ ఇప్పుడు పోలీసుల విచారణలో ఏం చెప్పబోతున్నాడు అనేది ఆసక్తికరంగా మారింది. మరోవైపు జానీ మాస్టర్ భార్య ఆయేషా బాధితురాలు ఆమె తల్లీ కలిసి తన భర్తను మోసం చేశారని ఆరోపిస్తోంది. ఇదొక హనీ ట్రాప్ అంటూ తన భర్తను వెనకేసుకొస్తోంది. మరి ఈ అత్యాచార కేసు ఇంకెన్ని మలుపులు తిరుగుతుందో చూడాలి.

Share

• 
• 
• 
• 
• 
•