Kajal Aggarwal: ఇండస్ట్రీలో సౌత్ సినిమాల హవా కొనసాగుతోంది. కొంతకాలంగా దక్షిణాది సినిమాలు సత్తా చాటుతున్నాయి. బాలీవుడ్ సినిమాలు బాక్సాఫీస్ వద్ద బోల్తా పడుతున్నాయి. ఆర్ఆర్ఆర్, కేజీఎఫ్, కాంతార వంటి సినిమాలు సౌత్ ఇండస్ట్రీని ప్రపంచానికి పరిచయం చేశాయి. అంతర్జాతీయ స్థాయిలో సత్తా చాటాయి.
ఇదిలా ఉంటే బాలీవుడ్ ఇండస్ట్రీపై సంచలన కామెంట్లు చేసింది స్టార్ హీరోయిన్ కాజల్ అగర్వాల్. బాలీవుడ్ ఇండస్ట్రీలో నైతికత లోపించిందని చెప్పుకొచ్చింది. ‘‘నేను ముంబైలో పుట్టి పెరిగినప్పటికీ.. నా కెరీర్ స్టార్ట్ అయిందంతా హైదరాబాద్‌లోనే. బాలీవుడ్ సినిమాలకంటే తమిళం, తెలుగు సినిమాల్లోనే ఎక్కువగా నటించాను. హైదరాబాద్, చెన్నై నగరాలనే నా పుట్టినిల్లుగా భావిస్తాను.
దక్షిణాది ఇండస్ట్రీలో మంచి, స్నేహపూర్వక వాతావరణం ఉంటుంది. టాలెంట్ ఉంటే అక్కడ ఎవరినైనా ప్రేక్షకులు ఆదరిస్తారు. తెలుగు, తమిళం, కన్నడ, మలయాళం భాషల్లో మంచి కంటెంట్ వస్తుంటుంది. ట్యాలెంటెడ్ డైరెక్టర్స్, టెక్నీషియన్స్ అక్కడ ఉన్నారు. దక్షిణాది సినిమాల్లో ఉన్న నైతికత, విలువలు, క్రమశిక్షణ బాలీవుడ్ లోపించింది’’ అని చెప్పుకొచ్చింది కాజల్ అగర్వాల్.
ప్రస్తుతం కాజల్ చేసిన వ్యాఖ్యలు సోషల్ మీడియాలో తీవ్ర దుమారం రేపుతున్నాయి. బాలీవుడ్ ఫ్యాన్స్ కాజల్‌పై ఆగ్రహం వ్యక్తం చేస్తున్నారు. సోషల్ మీడియాలో కాజల్‌కు వ్యతిరేకంగా పోస్టులు పెడుతున్నారు.
Share
Sajjanar: బిగ్‌బీ.. ఆ కంపెనీలను ప్రమోట్ చేయకండి: సజ్జనార్
Ys Sharmila: టీఎస్‌పీఎస్సీ ఆఫీస్‌కు షర్మిల.. మళ్లీ అరెస్ట్..
