Keerthy Suresh: నేను శైలజ సినిమాతో మొదటిసారి తెలుగు ప్రేక్షకులను అలరించింది కీర్తి సురేష్. ఆ తర్వాత మహానటి సినిమాలో సావిత్రి పాత్రలో నటించి అదరగొట్టింది. ఈ సినిమాతో కీర్తి సురేష్ క్రేజ్ విపరీతంగా పెరిగిపోయింది. మహానటి సినిమాతో జాతీయ ఉత్తమ నటి అవార్డును కూడా ఈ అమ్మడు గెలుచుకుంది. ఆ తర్వాత వరుస సినిమాలు చేస్తూ దూసుకుపోతోంది. లేటెస్ట్‌గా న్యాచురల్ స్టార్ నాని సరసన దసరా మూవీలో నటించింది. పాన్ ఇండియా లెవల్‌లో ఈ మూవీ మార్చి 30న రిలీజ్ అయింది.
ఇకపోతే కీర్తి సురేష్ పెళ్లికి సంబంధించి కొంతకాలంగో సోషల్ మీడియాలో వార్తలు వైరలవుతున్నాయి. కొన్ని రోజులు సింగర్ అనిరుధ్‌తో కీర్తి పెళ్లిపీటలెక్కబోతుందంటూ టాలీవుడ్‌లో టాక్ వినిపించింది. ప్రస్తుతం ఓ వ్యాపారవేత్తతో ఈ బ్యూటీ ప్రేమలో ఉందని.. త్వరలో పెళ్లి కూడా చేసుకోబోతుందని వార్తలు నెట్టింట్లో హల్ చల్ చేస్తున్నాయి.
ఈ వార్తలపై కీర్తి సురేష్ స్పందించకపోయినప్పటికీ.. ఆమె తల్లి మేనక స్పందించింది. ‘‘కీర్తి ఓ వ్యాపారవేత్తతో ప్రేమలో ఉందని, పెళ్లికి కూడా సిద్ధమైందని వార్తలు వస్తున్నాయి. కీర్తి ఎవరినీ ప్రేమించినా ముందు నాకు చెబుతుంది. ఇప్పుడు వస్తున్న వార్తలన్నీ పూర్తిగా అవాస్తవం. కొందరు కావాలనే ఫేక్ న్యూస్ వైరల్ చేస్తున్నారు. ఆమె గురించి ఫేక్ న్యూస్ వైరలవుతున్నాయంటే.. నటిగా ఎదుగుతోందని అర్థం’’ అని మేనక వెల్లడించింది.
Share
Ballari: 23 ఏళ్లకే మేయర్.. రికార్డ్ సృష్టించిన యువతి
Victory Venkatesh : సెంటిమెంట్ ఫాలో అవుతున్న వెంకీ డైరెక్ట‌ర్‌
