Kovai Sarala: స్టార్ కమెడియన్ కోవై సరళ గురించి ప్రత్యేకంగా చెప్పాల్సిన అవసరం లేదు లేడీ కమెడియన్సులో రమాప్రభ తర్వాత అంతటి గొప్ప పేరు తెచ్చుకున్న లేడీ కమెడియన్ గా మంచి గుర్తింపు ఉంది. ఒకప్పుడు వరుస సినిమాలతో బిజీగా మారిన కోవై సరళ ఈ మధ్య జోరు తగ్గించి అప్పుడప్పుడు ఒక సినిమా చేస్తూ ఉంది. ఇక సినిమాలు తగ్గించి బుల్లితెరపై జడ్జిగా మారింది. ఈ మధ్యనే ఒక తెలుగు షోలో మెరిసిన కోవై సరళ తాజాగా ఆలీ యాంకరింగ్ చేస్తున్న ఆలీతో సరదాగా అనే షోకు గెస్ట్ గా విచ్చేసింది. ఈ షోలో ఆమె ఎన్నో విషయాలను అభిమానులతో పంచుకుంది.
ఆలీ, కోవై సరళ కలిసి ఎన్నో సినిమాలు చేశారు. వీరిద్దరికి తీసుకొచ్చిన సినిమా దేశముదురు. ఇక అందులోని డైలాగ్ తోనే ఆమె ఎంట్రీ ఇచ్చింది. కోవై తన ఇంటిపేరు కాదని. అప్పట్లో కోయంబత్తూర్ ను కోవై అని పిలిచేవారని.. అలా తనపేరు కోవై సరళగా మారిందని చెప్పుకొచ్చింది. కమల్ హాసన్ సరసన హీరోయిన్ గా చేసే అవకాశం తనకు వచ్చిందని, అప్పట్లో తన డేట్ కోసం మూడు నెలలు వారు ఎదురుచూసినట్లు చెప్పుకొచ్చింది. వారంతా చాలా సైలెంట్ ఉండేవాళ్ళని, తానే సెట్ లో అరిచేదాన్ని అని తెలిపింది.
ఇకపోతే ఈ భాష కేవలం సినిమా కోసమే కాదని, తనకు నచ్చినవాళ్లతో ఇలాగే మాట్లాడి అలవాటు అయ్యిపోయింది. ఇప్పుడు అంటే మెచ్యూరిటీగా మాట్లాడుతున్నాను కానీ, ఒరిజినల్ అలాగే ఉంటుందని చెప్పుకొచ్చింది. ఇక తన ఫేవరేట్ కమెడియన్ ఆలీనే అని తెలిపిన సరళ.. అప్పట్లో తనకు ప్రేమిస్తున్నాను అని కూడా చెప్పినట్లు చెప్పి నవ్వేసింది. ఇక తాను ఇప్పటివరకు పెళ్లి చేసుకోవడానికి కారణం కూడా చెప్పుకొచ్చింది. “పెళ్లి చేసుకొని జీవించాలి అనే కండీషన్ లేదు కదా.. ఇప్పుడున్న హీరోస్ లో పెళ్లి చేసుకోవాలి అంటే అల్లు అర్జున్ ను చేసుకుంటా..” అని సిగ్గుపడింది.
కోవై సరళ తన తండ్రి మరణాన్ని గుర్తుచేసుకొని ఎమోషనల్ అయ్యింది. ” నేను అప్పుడు ఊటీలో షూటింగ్ చేస్తున్నాను. ఆ షూటింగ్ సీన్ వచ్చేసి డప్పుకొట్టుకుంటూ డ్యాన్స్ వేసి ఎంజాయ్ చేయాలి.. అంతలోనే నా తండ్రి చనిపోయినట్లు వార్త తెల్సింది. వెంటనే నేను వెళ్ళాలి. కానీ, అది చిన్న సినిమా. అందరూ నాకోసం ఎదురుచూస్తున్నారు. రాను అని చెప్పలేను. ఇప్పుడు కూడా నా సొంత వాళ్లు చెప్తున్నారు.. వీళ్లకు డబ్బే.. నాన్న చనిపోయినా కూడా షూటింగే అని.. అక్కడ పరిస్థితి వాళ్లకు తెలియదు” అని ఎమోషనల్ అయ్యింది. ప్రస్తుతం ఈ వ్యాఖ్యలు నెట్టింట వైరల్ గా మారాయి.
Share
KA Paul says please one chance: రూటు మార్చిన కేఏపాల్, ఈసారి కొత్తగా..
Bajaj Pulsar NS400Z Vs Dominar 400: అటు బజాజ్ పల్సర్.. ఇటు డొమినార్.. ఏది బెస్ట్ బైక్? ఏది కొనాలి?
