Bajaj Pulsar Ns400Z Vs Dominar 400: భారత మార్కెట్‌లో 400 సీసీ సెగ్మెంట్‌కు చెందిన అనేక బైక్‌లు అందుబాటులో ఉన్నాయి. వీటిలో బజాజ్ పల్సర్ NS400z, Dominar 400 వంటి బైక్‌లు ఉన్నాయి. ఈ రెండు బైక్‌లకు మార్కెట్‌లో మంచి డిమాండ్ ఉంది. రెండిటిలోనూ పవర్‌ఫుల్ ఇంజన్ ఉంటుంది. బైక్ లవర్స్ వీటిని కొనుగోలు చేసేందుకు ఎక్కువ ఇంట్రెస్ట్ చూపుతున్నారు. అయితే రెండు బైకుల్లో ఏది బెస్ట్? ఇంజన్ కెపాసిటీ ఎంత? వాటి ధర ఎంత? తదితర విషయాలు గురించి తెలుసుకోండి
ఇంజన్..
భారతీయ ద్విచక్ర వాహన తయారీ సంస్థ బజాజ్ ఇటీవలే పల్సర్ సిరీస్‌లో అత్యంత శక్తివంతమైన బైక్ NS400Zని విడుదల చేసింది. కంపెనీ ఈ బైక్‌లో 373.27 సీసీ లిక్విడ్ కూల్డ్ డిఒహెచ్‌సి ఇంజన్‌ను అందిస్తుంది. దీని కారణంగా బైక్ 40 PS పవర్, 35 న్యూటన్ మీటర్ టార్క్ రిలీజ్ చేస్తుంది. ఈ బైక్‌లో 12 లీటర్ల ఫ్యూయల్ ట్యాంక్ ఉంది.
డొమినార్ 400 బైక్‌లో కంపెనీ 373.3 సీసీ సింగిల్ సిలిండర్ ఫోర్ స్ట్రోక్ డిఓహెచ్‌సి లిక్విడ్ కూల్డ్ ఇంజన్‌ను అందిస్తుంది. దీని కారణంగా ఇది 40 PS పవర్, 35 న్యూటన్ మీటర్ల టార్క్ పొందుతుంది. ఈ బైక్‌లో 13 లీటర్ పెట్రోల్ ట్యాంక్ ఉంది.
Also Read: త్వరలో టాటా నెక్సాన్ సీఎన్‌జీ.. మైలేజీ, ఫీచర్లు ఇవే!
ఫీచర్లు..
బజాజ్ పల్సర్ NS400Zలో కంపెనీ ముందు వైపున 43 mm USD, వెనుకవైపు నైట్రోక్స్‌తో మోనోషాక్ సస్పెన్షన్‌ను అందిస్తుంది. ఇందులో కంపెనీ స్ప్లిట్ సీట్‌తో పాటు ట్విన్ ఛానెల్ ABS, రోడ్, రెయిన్ స్పోర్ట్, ఆఫ్-రోడ్ డ్రైవింగ్ మోడ్‌లు, ట్రాక్షన్ కంట్రోల్, బ్లూటూత్ కనెక్టివిటీ, స్మార్ట్ ఫోర్ వే సెలక్షన్ కంట్రోల్ స్విచ్, LED ప్రొజెక్టర్ లైట్లు, డిజిటల్ ఇన్‌స్ట్రుమెంట్ క్లస్టర్ వంటి అనేక ఫీచర్లను కలిగి ఉంది. USB సాకెట్ ఛార్జర్ వంటి అనేక ఫీచర్లు కూడా అందించబడ్డాయి.
డొమినార్ 400లో పూర్తి ESP టెక్నాలజీ, పూర్తి LED ఆటో హెడ్‌ల్యాంప్, గేర్ ఇండికేటర్, ABS, 43 mm USD, వెనుకవైపు నైట్రోక్స్‌తో కూడిన మోనోషాక్ సస్పెన్షన్ వంటి అనేక ఫీచర్లు కంపెనీ నుండి అందుబాటులో ఉన్నాయి. డొమినార్ 400లో అదనపు ధరతో టూరింగ్ యాక్సెసరీలను కంపెనీ అందిస్తోంది.
Also Read: మారుతీ సంచలన నిర్ణయం.. అన్నీ మోడల్స్‌పై భారీ డిస్కౌంట్లు!
ధర..
బజాజ్ పల్సర్ NS400Z ను కంపెనీ ఎక్స్-షోరూమ్ ధర రూ. 1.85 లక్షలుగా అందిస్తోంది. డొమినార్ 400ని కంపెనీ ఎక్స్-షోరూమ్ ధర రూ. 2.31 లక్షలుగా ఉంది.