Raj Tarun- Lavanya: హీరో రాజ్ తరుణ్ – లావణ్యల వివాదం రోజురోజుకు ముదురుతోంది. నిన్నటికి నిన్న రాజ్ తరుణ్ ప్రెస్ మీట్ కు వస్తే అక్కడకు లావణ్య వచ్చి రచ్చ రచ్చ చేసింది. ఆ తరువాత అతని ఇంటికి వెళ్లి.. రాజ్ తరుణ్ కావాలి అని హంగామా చేసింది. అయినా రాజ్ తరుణ్ ఆమెను కలవడానికి ఇష్టపడకపోవడంతో ఆమె అక్కడి నుంచి వెళ్ళిపోయింది.
ఇలా ఎప్పుడు రాజ్ తరుణ్ బయటకు వచ్చినా .. లావణ్య కూడా అతడు ఎక్కడ ఉంటే అక్కడకు వచ్చి రచ్చ చేయడం జరుగుతుంది. లావణ్య చేసేవన్నీ ఆరోపణలు అని, ఆమె దగ్గర ఆధారాలు లేవని రాజ్ తరుణ్ చెప్పుకొస్తున్నాడు. పెళ్లి చేసుకొని, అప్పుడే పిల్లలు వద్దనుకుని తనకు రెండు సార్లు అబార్షన్ చేయించాడని లావణ్య అంటుంది. ఇలా వీరిద్దరి మధ్య జరుగుతున్న వివాదంలోకి మూడో వ్యక్తి శేఖర్ భాషా ఎంట్రీ ఇచ్చాడు.
ఆర్జేగా చెప్పబడే శేఖర్.. తనకు తాను.. రాజ్ తరుణ్ స్నేహితుడుని అని పరిచయం చేసుకొని.. లావణ్య, రాజ్ తరుణ్ ను వేధిస్తోందని, అతడి ఇంటి కోసమే ఇదంతా చేస్తుందని చెప్పుకొచ్చాడు. ఇక ఈ వ్యాఖ్యల విన్న లావణ్య.. శేఖర్ కు కాల్ చేసి కూడా మాట్లాడింది. ఆ ఆడియో కూడా నెట్టింట వైరల్ గా మారింది. తప్పతాగి.. బూతులు మాట్లాడిన ఆడియో గురించి శేఖర్ నిలదీయగా.. రాజ్ తరుణ్ తన సేఫ్టీ కోసం తనకు తెలియకుండా ఆడియోలు రికార్డ్ చేసి, నాన్ని దోషిగా నిలబెట్టడానికి లీక్ చేసాడని ఆమె చెప్పుకొచ్చింది.
ఇక ఆ కాల్ లోనే ఫేస్ టూ ఫేస్ కూర్చొని మాట్లాడుకోవడానికి వస్తారా అని లావణ్య అడగ్గా .. ఎక్కడికైనా వస్తాను అని శేఖర్ చెప్పాడు. ఇక దీంతో వీరికి ఒక ఛానెల్.. లైవ్ షో ఏర్పాటు చేసినట్లు సమాచారం. అక్కడ వీరిమధ్య వాగ్వాదం తారాస్థాయికి చేరుకోవడంతో లావణ్య.. శేఖర్ ను చెప్పుతో కొట్టినట్లు తెలుస్తోంది. ఇక ఆవేశంతో ఊగిపోయిన శేఖర్ కూడా ఆమెపై దాడికి యత్నించినట్లు సమాచారం. ఇందుకు సంబంధించిన స్క్రీన్ షాట్స్ నెట్టింట వైరల్ గా మారాయి. మరి ఇందులో నిజమేంటి అనేది శేఖర్ నోరు విప్పితే తప్ప తెలియదు.
Share
Turkey Shooter: క్యాజువల్గా షూట్ చేసి ఒలింపిక్ మెడల్ కొట్టాడు.. టర్కీ షూటర్ వైరల్
Paris Olympics: ఒలింపిక్స్ బరిలోకి ఏడు నెలల గర్భిణి.. నాడా హఫీజ్ అద్భుతమే!
