Lavanya Tripathi: మెగా కోడలు లావణ్య త్రిపాఠి గురించి ప్రేక్షకులకు పరిచయం చేయాల్సిన అవసరం లేదు. అందాల రాక్షసి సినిమాతో తెలుగుతెరకు పరిచయమైన ఈ భామ.. స్టార్ హీరోల సరసన నటించి మంచి గుర్తింపునే అందుకుంది. ఇక మెగా ప్రిన్స్ వరుణ్ తేజ్ తో ప్రేమలో పడి.. గతేడాది మెగా కోడలిగా అడుగుపెట్టింది. పెళ్లి తరువాత లావణ్య సినిమాలు చేయదు అనుకున్నారు.. కానీ, అమ్మడు మాత్రం రూట్ మార్చి వరుస సినిమాలను లైన్లో పెడుతుంది. అయితే గ్లామర్ పాత్రలకు ఇక గుడ్ బై చెప్పినట్లే అని మాత్రం చెప్పుకొస్తున్నారు.
ఇప్పటికే పెళ్లి తరువాత ఆమె నటించిన వెబ్ సిరీస్ మిస్ పర్ఫెక్ట్ మంచి విజయాన్ని అందుకుంది. ఇక దీని తరువాత లావణ్య మరో కొత్త సిరీస్ లో నటిస్తున్నట్లు సమాచారం. ఈ మధ్యనే ఆమె ప్రెగ్నెంట్ అంటూ వార్తలు కూడా పుట్టుకొచ్చాయి. కానీ అందులో నిజం లేదని తెలుస్తోంది. ప్రస్తుతం ఆమె వరుస సినిమాలతో బిజీగా మారింది. మెగా కోడలు ఒక కొత్త సినిమాకు గ్రీన్ సిగ్నల్ ఇచ్చినట్లు సోషల్ మీడియాలో టాక్ నడుస్తోంది.
అందుతున్న సమాచారం ప్రకారం సతీ లీలావతి అనే టైటిల్ తో ఒక సినిమా రానుందట. ఇక ఆ టైటిల్ రోల్ లో లావణ్య నటిస్తుందని టాక్ నడుస్తోంది. ఆమె పక్కన హీరోగా ఒక యంగ్ హీరో నటిస్తున్నట్లు వార్తలు వస్తున్నాయి. అంతే కాకుండా ఆ యంగ్ హీరో ప్రియదర్శి అని మాట్లాడుకుంటున్నారు. ఒక స్టార్ ప్రొడ్యూసర్ ఈ సినిమాను నిర్మిస్తున్నట్లు సమాచారం.
సతీ లీలావతి అనే టైటిల్ తో ఇప్పటికే కమల్ హాసన్ సినిమా వచ్చిన విషయం తెల్సిందే. ఆ సినిమాలో కామెడీ ఉన్నట్లే.. ఈ సినిమాను కూడా కామెడీతో నింపనున్నారట. భార్యాభర్తల మధ్య గొడవలు, సరదాలు.. బంధం గొప్పతనం ఇలాంటివన్నీ వినోదాత్మకంగా చూపిస్తూ చివర్లో మంచి మెసేజ్ ఇవ్వనున్నట్లు తెలుస్తోంది. త్వరలోనే మేకర్స్ ఈ ప్రాజెక్ట్ ను అధికారికంగా ప్రకటించనున్నారని సమాచారం. మరి ఈ సినిమాతో మెగా కోడలు ఎలాంటి విజయాన్ని అందుకుంటుందో చూడాలి.
Share
Motorola Razr 50 Ultra : ఇచ్చిపడేసిన అమెజాన్.. తాజాగా లాంఛ్ అయిన ఫోన్ పై ఏకంగా రూ.45వేల డిస్కౌంట్
Vithika Sheru : యూట్యూబర్ తో వరుణ్ సందేశ్ భార్య క్లోజ్ ఫోటోలు.. నెటిజన్స్ ట్రోల్స్..
