Mahesh Babu: అంబానీ ఇంట పెళ్లి అనగానే హాలీవుడ్, బాలీవుడ్, టాలీవుడ్ నుంచి వచ్చే ప్రముఖులతో కళకళలాడుతూనే ఉంటుంది ఇక ఈసారి కూడా అనంత్ అంబానీ పెళ్ళిలో కూడా అదే జరిగింది. ప్రపంచంలో ఉన్న సెలబ్రిటీలు మొత్తం ఈ పెళ్లిలోనే కనిపించారు. గత రాత్రి ముంబైలో అనంత్ అంబానీ, రాధికా మర్చంట్ వివాహం అంగరంగ వైభవంగా జరిగింది.
బాలీవుడ్ హీరోలందరూ పెళ్ళిలో మెరిశారు. ఇక హాలీవుడ్, టాలీవుడ్ నుంచి అతి కొంద్దిమంది ప్రముఖులు మాత్రం సందడి చేశారు. ఇక మొదటి నుంచి ఈ వివాహానికి టాలీవుడ్ నుంచి రామ్ చరణ్ ఒక్కడే అటెండ్ అవుతున్నారు అని అనుకున్నారు. తీరాచూస్తే టాలీవుడ్ హీరోలు పలువురు పెళ్ళిలో కనిపించి సందడి చేశారు. వెంకటేష్, రానా దంపతులు, అఖిల్, చరణ్ దంపతులు హాజరయ్యారు.
ఇక టాలీవుడ్ మాత్రమే కాదు పెళ్ళి మొత్తానికి హైలైట్ గా మారింది మాత్రం సూపర్ స్టార్ మహేష్ బాబు. టాలీవుడ్ జాన్ విక్ లా మహేష్ లుక్ కు హాలీవుడ్ కూడా ఫిదా అవ్వడం ఖాయమని చెప్పాలి. బ్లూ కలర్ షేర్వాణీ, లాంగ్ హెయిర్, గడ్డంతో అద్భుతంగా కనిపించాడు. అందరూ రామ్ చరణ్ లుక్ ఎలా ఉండబోతుందో అని ఎదురుచూస్తున్న తరుణంలో మహేష్ ఎంట్రీ ఆ ఆలోచనలను పక్కకు నెట్టేసింది.
అసలు మహేష్ లుక్ గురించే సోషల్ మీడియా మొత్తం చర్చిస్తుంది. ఆ ఛార్మింగ్ లుక్.. డ్రెస్సింగ్ స్టైల్.. హాలీవుడ్ హీరోకు ఈ మాత్రం తీసిపోకుండా కనిపించాడు. ఇక చరణ్ నార్మల్ వైట్ అండ్ వైట్ కుర్తాలో సింపుల్ గా కనిపించాడు. ఈ పెళ్ళిలో కచ్చితంగా చరణ్ ను మహేష్ బాబు డామినేట్ చేశాడు అని చెప్పడంలో ఎటువంటి ఆశ్చర్యం లేదు. ప్రస్తుతం వీరి ఫోటోలు నెట్టింట వైరల్ గా మారాయి.
ప్రస్తుతం ఈ లుక్ ను మహేష్.. రాజమౌళి దర్శకత్వం వహిస్తున్న SSMB29 కోసం మెయింటైన్ చేస్తున్నాడు. త్వరలోనే ఈ సినిమా సెట్స్ మీదకు వెళ్లనుంది. ఒక్క లుక్ తో ఆ సినిమాపై అంచనాలను పెంచేశాడు మహేష్. మరి ఈ సినిమాతో ఎలాంటి రికార్డులు సృష్టిస్తాడో చూడాలి.
Share
Huawei Nova 13 Series: కిరిన్ చిప్‌సెట్, శాటిలైట్ కమ్యూనికేషన్ ఫీచర్లతో కొత్త సిరీస్ ఫోన్ వచ్చేస్తుంది..!
BOM Recruitment 2024 : బ్యాంక్ ఆఫ్ మహారాష్ట్రలో ఉద్యోగాలు.. అర్హతలివే..
