Malavika Mohanan: రాజాసాబ్ సెట్ లో హీరోయిన్ పుట్టినరోజు వేడుకలు.. ఫోటోలు వైరల్

Malavika Mohanan: కోలీవుడ్ బ్యూటీ మాళవిక మోహనన్ గురించి తెలుగు ప్రేక్షకులకు పరిచయం చేయాల్సిన అవసరం లేదు. మాస్టర్ సినిమాతో ఈ చిన్నది మంచి విజయాన్ని అందుకుంది. ఇక ఈ సినిమా తరువాత విజయాపజయాలను పక్కన పెట్టి వరుస సినిమాల్లో నటిస్తూ మెప్పిస్తుంది.

ఇప్పటికే తంగలాన్ సినిమా రిలీజ్ కు రెడీ అవుతుండగా.. ఈ మధ్యనే మాళవిక సర్దార్ 2 లో హీరోయిన్ గా సెలెక్ట్ అయ్యింది. ఈ రెండు సినిమాలు కాకుండా మాళవిక రాజాసాబ్ సినిమాతో తెలుగు ఎంట్రీ ఇవ్వనుంది. పాన్ ఇండియా స్టార్ ప్రభాస్ హీరోగా నటిస్తున్న ఈ సినిమాకు మారుతీ దర్శకత్వం వహిస్తున్నాడు.

ఇప్పటివరకు మాళవిక.. రాజాసాబ్ లో నటిస్తుంది అని తెలుసు కానీ, అధికారికంగా మేకర్స్ ప్రకటించింది లేదు. ఇక ఇన్నాళ్లకు మేకర్స్ అధికారికంగా మాళవిక మోహనన్ ను రాజాసాబ్ లోకి ఆహ్వానించారు. ఇక ఈరోజు మాళవిక బర్త్ డే సందర్భంగా రాజాసాబ్ సెట్ లో పుట్టినరోజు వేడుకలు ఘనంగా జరిగాయి. సెట్ లోనే డైరెక్టర్ మారుతీ.. మాళవికతో కేక్ కట్ చేయించాడు. ఇందుకు సంబంధించిన ఫోటోలు నెట్టింట వైరల్ గా మారాయి.

ఇక ఈ సినిమా కోసం ఇండస్ట్రీ మొత్తం ఎంతో ఆసక్తిగా ఎదురుచూస్తున్నారు. ఇప్పటికే కల్కితో పాన్ ఇండియా హిట్ అందుకున్న ప్రభాస్.. ఇప్పుడు కామెడీ హర్రర్ జోనర్ తో రాబోతున్నాడు. ఇప్పటికే ఈ సినిమా నుంచి రిలీజైన ప్రభాస్ గ్లింప్స్ సినిమాపై మరింత హైప్ తీసుకొచ్చింది. వచ్చే ఏడాది రాజాసాబ్ ప్రేక్షకుల ముందుకు రానుంది. మరి ఈ సినిమాతో మాళవిక టాలీవుడ్ ఎంట్రీ ఎలా ఉండబోతుందో చూడాలి.