Manisha Rani: ప్రముఖ రియాల్టీ షో బిగ్ బాస్ అతి తక్కువ కాలంలోనే ఎంతటి ప్రేక్షకాదరణ సంపాదించుకుందో ప్రత్యేకంగా చెప్పనవసరం లేదు. తెలుగు, హిందీ సహా ఇతర భాషల్లో కూడా ఈ షోకు మంచి రెస్పాన్స్ వచ్చింది. ఈ షో నుంచి బయటకు వచ్చిన ఎంతో మంది కంటెస్టెంట్‌లు ఇండస్ట్రీలో తమ టాలెంటెతో దూసుకుపోయారు. అందులో మనీషా రాణి ఒకరు.
హిందీలో బ్లాక్ బస్టర్‌గా నిలిచిన బిగ్ బాస్ ఓటీటీ రెండవ సీజన్‌లో ఈమె కంటెస్టెంట్‌గా చేసి.. ఎంతోమంది ప్రజలకు చేరువ అయింది. ఈ షో నుండి బయటకు వచ్చిన తర్వాత ఈమెకు మంచి అవకాశాలు వచ్చాయి. పలు టీవీ ఛానెల్స్‌లో రియాల్టీ షోస్‌‌లో పాల్గొనే అవకాశాలు దక్కించుకుంది. ప్రస్తుతం ఈమె సెలబ్రెటీస్ డ్యాన్స్ రియాలిటీ షో.. ఝలక్ దిఖ్లాజా సీజన్ 11లో కంటెస్టెంట్‌గా చేస్తుంది.
ఈ షోలో తాజాగా ఆమెకు తీవ్ర గాయమైంది. ఒక డ్యాన్స్ పెర్ఫార్మన్స్ ఇస్తున్న సమయంలో అదుపుతప్పి క్రింద పడిపోయింది. దీంతో వెంటనే ఆమెను సమీపంలోని ఆసుపత్రికి తీసుకెళ్లి చికిత్స అందిస్తున్నారు. ప్రస్తుతానికి భయపడాల్సిన అవసరం ఏమి లేదని డాక్టర్లు చెప్పుకొచ్చారు.
Share
Ex HMDA Director Case : అక్రమాస్తుల కేసు ఎఫెక్ట్.. బాలకృష్ణను సర్వీస్ నుంచి తొలగించేందుకు చర్యలు..
Koreans Hate Indians | 'డర్టీ ఇండియన్స్'.. గుణం కాదు అందమే ముఖ్యమంటున్న కొరియన్స్!
