Bachelors Heroes : మింగిల్ కాని.. సింగిల్ హీరోలు!

Bachelors Heroes : తెలుగు ఇండస్ట్రీలో మోస్ట్ ఎలిజిబుల్ బ్యాచిలర్స్ చాలా మందే ఉన్నారు. కొత్త సంవత్సరం వస్తున్నా.. వీళ్లు మాత్రం ఇంకా సింగిల్‌గానే ఉంటున్నారు. ఈ సందర్భంగా.. 40 ఏళ్లకు దగ్గర కావొస్తున్నా ఇంకా పెళ్లి చేసుకోని టాలీవుడ్ హీరోలపై ఓ లుక్కేద్దాం.

ప్రభాస్
44 ఏళ్లు వచ్చినా ఇప్పటికీ సింగిల్‌గానే ఉన్నారు రెబల్ స్టార్ ప్రభాస్. డార్లింగ్ సై అంటే చేసుకోవడానికి ఎంతో మంది అమ్మాయిలు వెయిటింగ్‌లో ఉన్నారు. మరి ఈ 2024లో అయినా ప్రభాస్ పెళ్లికి ఓకే చెబుతారా లేదా అనేది వేచి చూడాల్సిందే.

రామ్
అమ్మాయిల మనుసు దోచే రాకుమారుడు రామ్. చాక్లెయ్ బాయ్ గా అమ్మాయిల మనసుల్ని దోచుకుని.. ఇప్పుడిప్పుడే మాస్ అవతారమెత్తుతున్నాడు. 35 ఏళ్లు వచ్చినా.. ఇప్పటికీ సింగిల్‌గానే కాలం వెళ్లదీస్తున్నాడు. మరి ఈ ఏడాదైన రామ్ పోతినేని ఏడడుగులు వేస్తాడేమో వేచి చూద్దాం.

నారా రోహిత్
‘నా ప్రేమ కథకు నేనే కదా విలను’ అని చెప్పుకొచ్చిన నారా రోహిత్.. 39 ఏళ్లు వచ్చినా ఇంకా సింగిల్‌గానే ఉన్నాడు. 2024లో తన బ్యాచిలర్ లైఫ్‌కు చెక్ పెడతాడా లేదా అనేది చూడాలి.

అడివి శేష్
తెలుగులో క్షణం, గూఢచారి, మేజర్, హిట్ 2 వంటి హిట్స్‌తో దూసుకెళ్తున్న ఈయన సినీ ఇండస్ట్రీలో బడా ఫ్యామిలీకి చెందిన అమ్మాయితో లవ్‌‌లో ఉన్నట్లు టాక్. మరి 2024లో అయినా ఫ్యామిలీ లైఫ్‌లోకి ఎంట్రీ ఇస్తాడేమో చూడాలి.