MrBachchan Showreel: మాస్ మహారాజా రవితేజ ప్రస్తుతం వరుస సినిమాలతో బిజీగా ఉన్నాడు. అందులో మిస్టర్ బచ్చన్ ఒకటి. హరీష్ శంకర్ దర్శకత్వం వహిస్తున్న ఈ చిత్రాన్ని పీపుల్ మీడియా ఫ్యాక్టరీ బ్యానర్ పై టీజీ విశ్వప్రసాద్ నిర్మిస్తున్నాడు. ఇక ఈ సినిమాలో రవితేజ సరసన భాగ్యశ్రీ బొర్సే నటిస్తోంది. ఇప్పటికే ఈ చిత్రం నుంచి రిలీజైన పోస్టర్స్ ప్రేక్షకులను విశేషంగా ఆకట్టుకున్నాయి.
మొదటి నుంచి కూడా హరీష్ – రవితేజ కాంబో అంటే అంచనాలు ఆకాశాన్ని తాకుతున్నాయి. వీరి కాంబోలో ఇప్పటికే మిరపకాయ్ లాంటి సినిమా వచ్చి భారీ విజయాన్ని అందుకుంది. రవితేజ ఎనర్జీని మ్యాచ్ చేయాలంటే హరీష్ మాస్ ఎలివేషన్స్ పడాల్సిందే. ఇక ఇందులో రవితేజ.. అమితాబ్ బచ్చన్ కు పెద్ద ఫ్యాన్ గా కనిపించబోతున్నాడు.
రియల్ గా కూడా మాస్ మహారాజా రవితేజ.. అమితాబ్ బచ్చన్ కు పెద్ద ఫ్యాన్ అన్న విషయం తెల్సిందే. ప్రస్తుతం శరవేగంగా షూటింగ్ జరుపుకుంటున్న ఈ సినిమా నుంచి షో రీల్ ను రిలీజ్ చేశారు. డైలాగ్స్ లేకుండా కేవలం యాక్షన్ సీన్స్ తో ఈ షో రీల్ ను కట్ చేసిన విధానం ఆకట్టుకుంటుంది.ముఖ్యంగా రవితేజ స్టైలిష్ లుక్ ఫ్యాన్స్ ను ఫిదా చేస్తుంది.
ఊర మాస్ ఎలివేషన్స్ తో రవితేజ యాక్షన్ సీన్స్ ఉండనున్నాయని షో రీల్ చూస్తుంటే అర్ధమవుతుంది. ఇక రవితేజకు ధీటుగా జగపతిబాబు విలనిజం నెక్స్ట్ లెవెల్ అని చెప్పాలి. ప్రస్తుతం ఈ షో రీల్ సోషల్ మీడియాను షేక్ చేస్తోంది.
చివర్లో అమితాబ్ బచ్చన్.. కటౌట్ ముందు రవితేజ నిలబడి ఉండే షాట్ చూసాక.. మాస్ మహారాజాకు డైలాగ్ కూడా అవసరం లేదు.. పవర్ అలాంటింది అని ఫ్యాన్స్ చెప్పుకొస్తున్నారు. త్వరలోనే ఈ సినిమా ప్రేక్షకుల ముందుకు రానుంది. మరి ఈ సినిమాతో రవితేజ ఎలాంటి విజయాన్ని అందుకుంటాడో చూడాలి.
Share
Sam Pitroda: ఈవీఎంలను హ్యాక్ చేయొచ్చు: శ్యామ్ పిట్రోడా
BCCI Accepts Gambhir’s Demands: గౌతం గంభీర్ కోచ్.. కండీషన్స్ అప్లై !
