Dino Deets: ఆంధ్రప్రదేశ్ రాజకీయాల్లో నారా కుటుంబానికి ప్రత్యేక స్థానం ఉంది. ముఖ్యమంత్రి నారా చంద్రబాబు నాయుడు, ఐటీ మంత్రి నారా లోకేష్ల రాజకీయ ప్రస్థానం అందరికీ తెలిసిందే. అయితే, ఇప్పుడు ఈ తరం నుంచి నారా లోకేష్ కుమారుడు, చంద్రబాబు మనవడైన నారా దేవాంశ్ ఒక సరికొత్త రంగుల ప్రపంచంలోకి అడుగుపెట్టారు. చిన్న వయసులోనే విజ్ఞానాన్ని, వినోదాన్ని పంచే ఉద్దేశంతో ఆయన కంటెంట్ క్రియేటర్గా మారి, యూట్యూబ్లో ‘డైనో డీట్స్’ (Dino Deets) పేరుతో ఒక సరికొత్త పాడ్కాస్ట్ ఛానల్ను ప్రారంభించారు.
Read also-Illu illaalu Pillalu : ‘ఇల్లు ఇల్లాలు పిల్లలు ‘ సుకన్య రియల్ లైఫ్.. ఒక్కరోజుకు రెమ్యూనరేషన్ ఎంత..?
నారా దేవాంశ్ ప్రారంభించిన ఈ ‘డైనో డీట్స్’ పాడ్కాస్ట్ పూర్తిగా డైనోసార్ల చుట్టూ తిరుగుతుంది. కోట్లాది సంవత్సరాల క్రితం భూమిపై జీవించిన డైనోసార్ల జీవన విధానం, వాటి రకాలు, అంతరించిపోవడానికి గల కారణాలు వాటి శిలాజాల గురించిన ఆసక్తికరమైన విషయాలను దేవాంశ్ ఈ ఛానెల్ ద్వారా ప్రపంచానికి పరిచయం చేయనున్నారు. కేవలం సమాచారాన్ని అందించడమే కాకుండా, పిల్లలను, పెద్దలను ఆకట్టుకునేలా సరదాగా, నవ్విస్తూ ఆలోచింపజేసే శైలిలో ఈ పాడ్కాస్ట్లు సాగనున్నాయి.
ఈ ఛానెల్కు సంబంధించిన ప్రత్యేక ప్రోమో వీడియోను మంత్రి నారా లోకేష్ తన సామాజిక మాధ్యమాల్లో పంచుకుంటూ భావోద్వేగానికి లోనయ్యారు. “ఒకరోజు ఉదయం దేవాంశ్ గదిలోకి వెళ్లేసరికి గది అంతా డైనోసార్ బొమ్మలు, పెయింటింగ్స్, పుస్తకాలతో నిండిపోయి ఉంది. మొదట నాకు అర్థం కాలేదు కానీ, ఆ తర్వాత దేవాంశ్ ఈ యూట్యూబ్ ఛానల్ ఐడియా గురించి చెప్పాడు” అని లోకేష్ పేర్కొన్నారు. దేవాంశ్ సృష్టించిన ఈ సరికొత్త ప్రపంచాన్ని ఒక ప్రేక్షకుడిలా చూడటానికి తాను ఎంతో ఆసక్తిగా ఎదురుచూస్తున్నానని ఆయన ట్వీట్ చేశారు.
Read also-K Rajan: కోలీవుడ్లో తీవ్ర విషాదం.. సీనియర్ నిర్మాత కె. రాజన్ ఆత్మహత్య!
ఈ ‘డైనో డీట్స్’ పాడ్కాస్ట్ మొదటి పూర్తి ఎపిసోడ్ రాబోయే శుక్రవారం అధికారికంగా విడుదల కానుంది. ఆ తర్వాత ప్రతి శుక్రవారం ఒక కొత్త ఎపిసోడ్ను యూట్యూబ్తో పాటు ఇతర ప్రముఖ సోషల్ మీడియా ప్లాట్ఫారమ్లలో వీక్షకులకు అందుబాటులో ఉంచనున్నారు.
Share
Intinti Ramayanam Today Episode: పల్లవి ఫుల్ హ్యాపీ.. దొంగను పట్టుకున్న అవని.. ఇదేం ట్విస్ట్ స్వామీ..
మెక్సికోలో కాల్పుల కలకలం.. స్పాట్లో 10 మంది మృతి, ఎలా జరిగింది?
