Oscar: అత్యంత ప్రతిష్టాత్మకమైన ఆస్కార్ అవార్డుల వేడుక కోసం ప్రపంచం మొత్తం వేయికళ్లతో ఎదురు చూస్తోంది. ముఖ్యంగా తెలుగు ప్రేక్షకులు. ఎందుకంటే ‘ఆర్ఆర్ఆర్’ నుంచి నాటు నాటు సాంగ్ ఆస్కార్‌కు నామినేట్ అయింది కాబట్టి. కచ్చితంగా ఈ పాటకు ఆస్కార్ దక్కుతుందని ధీమా వ్యక్తం చేస్తున్నారు. ఇక ఆస్కార్ వేదికపై సింగర్స్ కాలభైరవ, రాహుల్ సిప్లిగంజ్ లైవ్లో నాటు నాటు సాంగ్‌ను పాడనున్నారు.
మరోవైపు నాటు నాటు సాంగ్‌కు స్టేజీపై స్టెప్పులు వేయడం లేదని ఇప్పటికే ఎన్టీఆర్ స్పష్టం చేశారు. తనకు, రామ్ చరణ్‌కు రిహార్సల్స్ చేసేందుకు సమయం లేదని.. అందుకే లైవ్లో డ్యాన్స్ చేయలేకపోతున్నామని వెల్లడించారు. అయితే వారి స్థానంలో ఓ స్టార్ హీరోయిన్ ఆస్కార్ వేదికపై నాటు నాటు సాంగ్‌కు స్టెప్పులేయనుంది.
ఆమే అమెరికాకు చెందిన నటి, డ్యాన్సర్ లారెన్ గాట్లెబ్. ఈ విషయాన్ని స్వయంగా ఇన్‌స్టాగ్రామ్ వేదికగా వెల్లడించింది లారెన్. ‘‘స్పెషల్ న్యూస్. ఆస్కార్ వేదికపై నాటు నాటు పాటకు నేను లైవ్ ప్రదర్శన ఇవ్వబోతున్నారు. ఎంతో ప్రతిష్టాత్మకమైన వేదికపై భారత్ తరుపున ప్రాతినిధ్యం వహించడం ఆనందంగా ఉంది’’ అని
రాసుకొచ్చింది.