Pawan Kalyan Another Remake : పవర్స్టార్ పవన్ కళ్యాణ్ మంచి స్పీడు మీదున్నారు. రెండేళ్లలో ఎన్నికల్లు రాబోతున్నాయి. అంటే ఆయన రాజకీయాల్లో వేగాన్ని పెంచాల్సిన సమయం ఆసన్నమైందని భావించారు. అందులో భాగంగానే ఎన్నికల ప్రచార రథం వారాహిని కూడా సిద్ధం చేసుకున్న సంగతి తెలిసిందే. అయితే ఈలోపు ఆయన చేయాల్సిన సినిమాలను వీలైనంత త్వరగా పూర్తి చేయటానికి రెడీ అయిపోయారు. రీసెంట్గానే రెండు కొత్త సినిమాలను పవన్ కళ్యాణ్ అనౌన్స్ చేసిన సంగతి విదితమే. అందులో ఒకటి సుజీత్ దర్శకత్వంలో రూపొందనున్న సినిమా కాగా.. మరో చిత్రం హరీష్ శంకర్ దర్శకత్వంలో రూపొందనున్న ‘ఉస్తాద్ భగత్ సింగ్’.
నిజానికి హరీష్ శంకర్ తెరకెక్కిస్తోన్న ‘ఉస్తాద్ భగత్ సింగ్’ సినిమా తమిళ చిత్రం ‘తెరి’కి రీమేక్ అని విశ్వసనీయ వర్గాల సమాచారం. చిత్ర యూనిట్ మాత్రం దీనిపై నోరు మెదపటం లేదు. ఈ సినిమాలతో పాటు పవన్కళ్యాణ్ సైలెంట్గా మరో సినిమాను కూడా పూర్తి చేయటానికి ఓకే చెప్పేసినట్లు వార్తలు వినిపిస్తున్నాయి. ఆ సినిమా కూడా రీమేక్ సినిమాయేనని అంటున్నారు. తమిళంలో మంచి విజయాన్ని అందుకున్న వినోదయ సిత్తం సినిమాలో పవన్ నటిస్తారనే వార్తలు ఎప్పుడో వినిపించాయి. కానీ తర్వాత ఆ వార్తలు సైలెంట్ అయిపోయాయి. అయితే ఆ సినిమాను పవన్ విడిచి పెట్టలేదని సైలెంట్గా షురూ చేసేస్తున్నారని అంటున్నారు. ఈ చిత్రంలో పవన్ కీలక పాత్రలోనే నటించబోతున్నారట. సాయిధరమ్ తేజ్ మరో హీరోగా కనిపించనున్నారు. తమిళ దర్శకుడు, నటుడు అయిన సముద్ర ఖని ఈ సినిమాను తెరకెక్కించబోతున్నారు. పీపుల్ మీడియా ఫ్యాక్టరీ సంస్థ సినిమాను నిర్మించనుంది.
Share
Avatar 2 : హిట్టా? ఫట్టా?.. కలెక్షన్స్ ఎంతో తెలుసా?
Pawan Kalyan : పవన్ కళ్యాణ్ ‘ద రియల్ యోగి’ బుక్ రిలీజ్..
