Pawan Kalyan : పవర్ స్టార్, జనసేనాని పవన్ కళ్యాణ్‌పై రాసిన ‘ద రియల్ యోగీ’ పుస్తకాన్ని నాగబాబు ఆవిశ్కరించారు. ఈ పుస్తకావిష్కరణ కార్యక్రమం ప్రసాద్ ల్యాబ్స్ ప్రివ్యూ థియేటర్లో జరిగింది. కార్యక్రమానికి రచయిత తనికెళ్ల భరణి, నిర్మాత విశ్వప్రస్తాద్ దర్శకుడు బాబీ హాజరయ్యారు. రచయిత గణ పవన్ కళ్యాణ్ జీవితం, రాజకీయ పోరాటాన్ని గమనించి, రిసెర్చ్ చేసి ఈ ‘ద రియల్ యోగి’ పుస్తకాన్ని రచించినట్లుగా తెలుస్తోంది.
పుస్తకాన్ని ఆవిశ్కరించిన నాగబాబు మాట్లాడుతూ.. పవన్ కళ్యాణ్ అనుకుంటే టీడీపీ, బీజేపీ తరపు నుంచి మంత్రి అయ్యేవారు. కానీ ప్రజలకు సేవ మాత్రమే చేయాలనే ఉద్దేశ్యంతో జనసేన పార్టీని స్థాపించినట్లు చెప్పారు. లంచగొండితనం, అవినీతిని నిలదీయడానికే పవన్ కళ్యాణ్ పార్టీ పెట్టారన్నారు. పవన్ కళ్యాన్ మా ఇంట్లో పుట్టడం వల్ల పవన్ గురించి ఎక్కువగా చెప్పలేకపోతున్నట్లు చెప్పాడు సోదరుడు నాగబాబు.
ఇక రచయిత తనికెళ్ల భరణి మాట్లాడుతూ.. పవన్‌కు ఫ్యాన్స్ కన్నా భక్తులే ఎక్కువ మంది ఉన్నారన్నారు. పవన్ కొందరికి చల్లగాలైతే.. మరికొందరికి పిల్లగాలి అని అన్నారు.