Payal Rajput: ఆర్ఎక్స్ 100 సినిమాతో ఓవర్ నైట్ హీరోయిన్ గా మారిపోయింది పాయల్ రాజ్ పుత్. ఈసినిమా తరువాత అంతటి హిట్ ను మాత్రం పాయల్ అందుకోలేకపోయింది. వరుస సినిమాలు చేస్తున్నా అమ్మడికి మాత్రం హిట్ వచ్చిన దాఖలాలు లేవు. ఈ మధ్యనే రక్షణ అనే సినిమాతో ప్రేక్షకుల ముందుకు వచ్చింది. అది కూడా ఆశించిన ఫలితాన్ని ఇవ్వలేదు.
ఇక సినిమాల విషయం పక్కన పెడితే.. సోషల్ మీడియాలో పాయల్ కు ఉన్న ఫాలోయింగ్ అంతా ఇంతా కాదు. నిత్యం హాట్ హాట్ ఫొటోస్ తో కుర్రకారుకు కునుకు లేకుండా చేస్తుంది. తాజాగా ఈ చిన్నది 69 వ ఫిలింఫేర్ అవార్డ్స్ వేడుకలో సందడి చేసింది. ఈ వేడుకలో పాయల్ కు.. అనుకోని ప్రశ్న ఎదురయ్యింది.
” మీరు ఎవరితో రెడ్ కార్పెట్ మీద నడవాలనుకుంటున్నారు” అన్నప్రశ్నకు పాయల్.. తడుముకోకుండా ప్రభాస్ పేరు చెప్పింది. ఇక ఇప్పటివరకు విన్న రూమర్స్ లో మీరు దేన్నీ విని బాగా నవ్వుకున్నారు అన్న ప్రశ్నకు పాయల్ మాట్లాడుతూ.. ” కొన్ని రోజుల క్రితం ప్రభాస్ తో నా పెళ్లి జరుగుతుంది అని రూమర్స్ వచ్చాయి. వాటిని విని నేను ఎంతో నవ్వుకున్నాను. నిజం అయితే బావుండు అని కూడా అనుకున్నాను” అంటూ సిగ్గుపడింది. ప్రస్తుతం ఈ వార్త నెట్టింట వైరల్ గా మారింది.
ప్రభాస్ గురించి పాయల్ మాట్లాడడం ఇదేమి కొత్త కాదు. ఎన్నో సార్లు ప్రభాస్ మంచి మనసు గురించి, వ్యక్తిత్వం గురించి పాయల్ మాట్లాడింది. ఇప్పుడు మరోసారి ప్రభాస్ పై ఉన్న తన ప్రేమను బయటపెట్టింది. మరి ఈ ప్రేమను చూసి అయినా పాయల్ కు తన సినిమాలో ఒక ఛాన్స్ ఇస్తే బావుంటుందని నెటిజన్స్ కామెంట్స్ చేస్తున్నారు.
Share
2024 Yezdi Adventure Review: యూవ రైడర్ల కోసం అడ్వంచర్ బైక్.. పెర్ఫార్మెన్స్, ధర వివరాలివే..!
Arvind Kejriwal: కేజ్రీవాల్‌కు భారీ షాక్.. పిటిషన్ కొట్టివేసిన ఢిల్లీ హైకోర్టు
