Prabhas Maruthi Movie : పాత థియేట‌ర్‌లో ప్ర‌భాస్‌కు ప‌నేంటి!

Prabhas Maruthi Movie : బాహుబ‌లితో పాన్ ఇండియా ఇమేజ్ సంపాదించుకున్న మ‌న టాలీవుడ్ డార్లింగ్ హీరో ప్ర‌భాస్‌. ఈయ‌న వ‌రుస పాన్ ఇండియా మూవీస్ చేస్తూ అందరి దృష్టిని త‌న వైపు తిప్పుకుంటున్నారు. ఈయ‌న చేస్తున్న క్రేజీ ప్రాజెక్ట్స్ కాకుండా మారుతి ద‌ర్శ‌క‌త్వంలో ఓ సినిమాను రీసెంట్‌గానే షురూ చేసిన సంగ‌తి తెలిసిందే. ఇటీవ‌లే ఆ సినిమా తొలి షెడ్యూల్ కూడా పూర్త‌య్యింది. కాగా.. డిసెంబ‌ర్ రెండో వారం నుంచి రెండో షెడ్యూల్‌ను స్టార్ట్ చేయ‌బోతున్నారు. ఈ షెడ్యూల్‌లో ప్ర‌భాస్ పాల్గొన‌బోతున్నారని సినీ వ‌ర్గాల స‌మాచారం. త్వ‌ర‌లోనే స్టార్ట్ కాబోతున్న రెండో షెడ్యూల్ కోసం హైద‌రాబాద్ ప‌రిస‌ర ప్రాంతాల్లో ఓ పాత కాలం నాటి థియేట‌ర్‌లో షూటింగ్ సెట్‌ను సిద్ధం చేశారట‌. అందులో ప్ర‌భాస్ స‌హా ముగ్గురు హీరోయిన్స్ కూడా పాల్గొన‌బోతున్నారు. ఈ సినిమాలో ప్ర‌భాస్‌కు జ‌త‌గా నిధి అగ‌ర్వాల్‌, మాళ‌వికా మోహ‌న‌న్‌, రిద్ది కుమార్ హీరోయిన్స్‌గా న‌టిస్తున్నారు. ఈ సినిమాతో పాటు ప్ర‌భాస్ ప్ర‌స్తుతం స‌లార్‌, ప్రాజెక్ట్ K వంటి భారీ సినిమాల‌ను కూడా పూర్తి చేసే ప‌నిలో ఉన్నారు. మ‌రో వైపు వ‌చ్చే ఏడాది జూన్ 16న ప్ర‌భాస్ న‌టించిన మోష‌న్ క్యాప్చ‌ర్ టెక్నాల‌జీ మూవీ ఆది పురుష్ విడుద‌లకు సిద్ధ‌మ‌వుతుంది. ఇందులో ప్ర‌భాస్ రాముడిగా క‌నిపించ‌బోతున్నారు.