Kalki 2898 AD: రెబెల్స్ ఆఫ్ కల్కి.. మరో యాక్షన్ విజువల్ వండర్ వీడియో రిలీజ్

Rebels Of Kalki: ‘కల్కి 2898 ఏడీ’ సినిమా ప్రపంచ వ్యాప్తంగా జూన్ 27న గ్రాండ్ లెవెల్లో రిలీజ్ అయి అద్భుతమైన రెస్పాన్స్‌ను అందుకుంది. ఇప్పటికీ ఈ సినిమా థియేటర్లలో దుమ్ము దులిపేస్తుంది. కనీ వినీ ఎరుగని రీతిలో అదరగొట్టేస్తుంది. బాక్సాఫీసు వద్ద సెన్సేషనల్ కలెక్షన్లను నమోదు చేస్తున్న ఈ సినిమా ఇప్పటికి రూ.1000 కోట్లు క్రాస్ చేసి రూ.1100 కోట్ల దిశగా పరుగులు పెడుతుంది. ఇంతటి ఘన విజయం సాధించడంతో చిత్రబృందం ఫుల్ హ్యాపీ మూడ్‌లో ఉంది.

ఈ క్రమంలోనే వరుస అప్డేట్‌లతో ప్రచారాన్ని మరింత ముమ్మరం చేసింది. సినిమాకి సంబంధించిన పలు వీడియోలను రిలీజ్ చేస్తూ ఆకట్టుకుంటోంది. ఇప్పటికే ఈ సినిమా నుంచి స్టంట్స్ కొరియోగ్రాఫర్ ఆండీ లాంగ్ చిత్రీకరణ సమయంలో అమితాబ్ బచ్చన్, ప్రభాస్, దీపికా పదుకొనే వంటి వారితో యాక్షన్ సన్నివేశాలు జరుపుతున్న ఒక మేకింగ్ వీడియోను వదిలారు. ఆ వీడియోకి సినీ ప్రేక్షకుల నుంచి మంచి స్పందన వచ్చింది. అందులో అమితాబ్‌, ప్రభాస్‌తో యాక్షన్ సన్నివేశాలు తీసే తీరు అందరినీ అట్రాక్ట్ చేసింది.

Also Read: కోట్ల క్లబ్ లో కల్కి.. స్పెషల్ వీడియో.. ప్రభాస్ తేజస్సు చూశారా..? ఎలా మెరిసిపోతుందో..!

అలాగే ఆ వీడియో తర్వాత రీసెంట్‌గా ఈ మూవీలోని కాస్ట్యూమ్ డిజైనింగ్‌కి సంబంధించి మరో వీడియోను రిలీజ్ చేసింది. ఈ వీడియో ప్రకారం.. కల్కి సినిమాలో నటించిన నటీ నటులు.. ఇతర భారీ తారాగణంకు కాస్ట్యూమ్స్ ఎలా చేశారు.. ఎవరెవరికి ఎలాంటి డ్రెస్‌లు సెట్ అవుతాయో చూసి అందరికీ సరిపడా డ్రెస్సులను అందించడం వంటివి చూపించారు.

Costume Designer #ArchanaRao shares her journey of bringing the world of #Kalki2898AD to life with her detailed costume work.

– https://t.co/OlKSMPNDfP #EpicBlockbusterKalki @SrBachchan @ikamalhaasan #Prabhas @deepikapadukone @nagashwin7 @DishPatani @Music_Santhosh… pic.twitter.com/gbadw2f39z

— Kalki 2898 AD (@Kalki2898AD) July 18, 2024

అలాగే డిఓపీ గురించి కూడా ఓ వీడియో రిలీజ్ చేసి అదరగొట్టేశారు. ప్రతి సన్నివేశాన్ని వారు ఎలా చిత్రీకరించారు. భారీ సెట్ వేసేటప్పుడు ఎలా షూట్ చేశారు అనేది ఆ వీడియో ద్వారా తెలిపారు.

DOP #DjordjeStojiljkovic shares his incredible journey and experiences working on #Kalki2898AD 🎥 https://t.co/RuH4aOMNGh #EpicBlockbusterKalki @SrBachchan @ikamalhaasan #Prabhas @deepikapadukone @nagashwin7 @DishPatani @Music_Santhosh @VyjayanthiFilms @Kalki2898AD… pic.twitter.com/xHZQaFvhjj

— Kalki 2898 AD (@Kalki2898AD) July 17, 2024

ఇక ఇప్పుడు మరొక కొత్త వీడియోను మేకర్స్ పంచుకున్నారు. ‘రెబల్స్ ఆఫ్ కల్కి’ పేరుతో మరో వీడియోను వదిలారు. అందులో యాక్షన్ సన్నివేశాల్లో చూపించిన విజువల్స్ చాలా అత్యద్భుతంగా ఉన్నాయి. అచ్చం హాలీవుడ్ రేంజ్ సినిమాల మాదిరి విజువల్స్ చూపించి అందరిలోనూ ఆసక్తి రేకెత్తించారు. మరెందుకు ఆలస్యం మీరు కూడా ఈ వీడియో చూసి ఎంజాయ్ చేయండి.