Dragon: దేవర సినిమాతో భారీ విజయాన్ని కాకపోయినా.. ఒక మోస్తరు విజయాన్ని సొంతం చేసుకున్నాడు ఎన్టీఆర్. రాజమౌళితో హిట్ అందుకున్నాక కూడా ఇలాంటి ఒక విజయం దక్కడం అంటే మాములు విషయం కాదు. రాజమౌళి సెంటిమెంట్ ను బ్రేక్ చేసి దేవరతో మంచి విజయాన్ని అందుకోవడమే కాకుండా రికార్డ్ కలక్షన్స్ సృష్టిస్తున్నాడు. ఇక ఈ సినిమా తరువాత ఎన్టీఆర్.. వరుస సినిమాలతో బిజీగా మారిన విషయం తెల్సిందే.
ప్రస్తుతం ఎన్టీఆర్ చేతిలో రెండు, మూడు సినిమాలు ఉన్నాయిం. అందులో ఒకటి ఎన్టీఆర్ నీల్ అయితే.. ఇంకొకటి వార్. ఈ రెండు సినిమాలపై అభిమానుల్లో భారీ అంచనాలు నెలకొన్నాయి. ఈ మధ్యనే ఎన్టీఆర్ నీల్ సినిమాసెట్స్ పైకి వెళ్లిన విషయం తెల్సిందే. సలార్ 2 సినిమాను ఆపి మరీ ప్రశాంత్ నీల్.. ఎన్టీఆర్ 31 ను తెరకెక్కిస్తున్నాడు. ఇక ఎప్పటి నుంచో ఈ సినిమాకు డ్రాగన్ అనే టైటిల్ ను ఖరారు చేసినట్లు సోషల్ మీడియాలో వార్తలు ఏ రేంజ్ లో హల్చల్ చేశాయో ప్రత్యేకంగా చెప్పాల్సిన అవసరం లేదు.
ఎన్టీఆర్ లుక్ తో డ్రాగన్ టైటిల్ వేసి.. ఫ్యాన్ మేడ్ పోస్టర్స్ కూడా రిలీజ్ చేశారు. అయితే ఇప్పుడు ఈ టైటిల్ ను ఒక కుర్ర హీరో కొట్టేశాడు. లవ్ టుడే సినిమాతో తెలుగువారికి దగ్గరైన హీరో, డైరెక్టర్ ప్రదీప్ రంగనాధన్ గురించి ప్రత్యేకంగా చెప్పాల్సిన అవసరం లేదు. ప్రస్తుతం వరుస సినిమాలతో బిజీగా ఉన్న ప్రదీప్ తన కొత్త సినిమాను ఈ పండగకు అనౌన్స్ చేశాడు. స్టార్ డైరెక్టర్ అస్వత్ మారిముత్తు ఈ సినిమాకు దర్శకత్వం వహిస్తున్నాడు.
ఓ మై కడవులే అనే సినిమాతో కెరీర్ ను ప్రారంభించిన ఈ డైరెక్టర్.. మొదటి సినిమాతోనే మంచి విజయాన్ని అందుకున్నాడు. ఇక ఇప్పుడు ప్రదీప్ తో రెండో సినిమాను డ్రాగన్ పేరుతో తెరకెక్కిస్తున్నట్లు తెలిపారు. నేడు ఈ సినిమాకు సంబంధించిన మూడు పోస్టర్లను మేకర్స్ రిలీజ్ చేసి.. అభిమానులకు దసరా శుభాకాంక్షలు తెలిపారు.
డ్రాగన్ టైటిల్ తో ఎన్టీఆర్ ఫ్యాన్స్ కు ఎంత అనుభందం ఉందో ప్రత్యేకంగా చెప్పాల్సిన అవసరం లేదు. కానీ, ఇప్పుడు ఆ టైటిల్ ను ప్రదీప్ ఎగరేసుకుపోతే ఎన్టీఆర్ నీల్ సినిమా టైటిల్ కు ఇంకా ఎలాంటి టైటిల్ వస్తుందో అని ఆందోళన పడుతున్నారు. మరి ఎన్టీఆర్ నీల్ కు ఇంతకంటే మంచి టైటిల్ దొరుకుతుందేమో చూడాలి.
Konjam fire ah !! 🐉💥#DragonFirstLook 🔥@pradeeponelife in & as #Dragon
A @Dir_Ashwath Araajagam 💥🧨
A @leon_james Musical 🎵#PradeepAshwathCombo#KalpathiSAghoram #KalpathiSGanesh #KalpathiSSuresh@archanakalpathi@aishkalpathi @Ags_production@venkat_manickam… pic.twitter.com/i3avhc1pv1— AGS Entertainment (@Ags_production) October 12, 2024
Share
Sri Sathya Sai Incident : హిందూపురంలో దారుణం... స్పందించిన బాలకృష్ణ ఏమన్నారంటే!
RRR Movie: 'ఆర్ఆర్ఆర్' ఎప్పటికీ నా ఫేవరెట్ సినిమా.. హాలీవుడ్ నటి ప్రశంసలు
