Anupama Parameswaran: కేరళ కుట్టి అనుపమ పరమేశ్వరన్ నటించిన రీసెంట్‌ మూవీ ‘టిల్లు స్క్వేర్’. ఈ మూవీతో అను బ్యూటీ ప్రేక్షకుల మనస్సులు దోచుకుంది. ఏ సినిమాలోనూ ప్రదర్శించని ఎక్స్‌పోజింగ్.. ఈ సినిమాలో దారబోసేసింది. కిస్ సీన్లతో రెచ్చిపోయింది. ఆమె ఈ లెవెల్లో పెర్ఫార్మెన్స్ ఇస్తుందని ఎవ్వరూ ఊహించలేదు. ఒక్కసారిగా రొమాంటిక్ సీన్లలో కనిపించి అందరినీ షాక్‌‌కు గురిచేసింది.
అంతేకాకుండా ఆమె యాక్టింగ్ కూడా ఈ మూవీలో ఇరగదీసేసింది. దీంతో ఈ మూవీ బాక్సాఫీసు వద్ద భారీ వసూళ్లను నమోదు చేసింది. అయితే ఈ మూవీ సక్సెస్‌ను ఎంజాయ్ చేస్తున్న ఈ ముద్దుగుమ్ము.. ఇప్పుడు మరొక కొత్త సినిమాతో ప్రేక్షకుల ముందుకు వచ్చేందుకు రెడీ అయింది. ‘సినిమా బండి’ ఫేం ప్రవీణ్ కాండ్రేగుల దర్శకత్వంలో కొత్త సినిమా చేస్తుంది.
అయితే ఈ ప్రవీణ్ కాండ్రేగుల ఎవరనే విషయానికొస్తే.. మూడేళ్ల కిందట ‘సినిమా బండి’ అనే మూవీతో వచ్చాడు. నెట్‌ఫ్లిక్స్‌లో రిలీజ్ అయిన ఈ సినిమా అప్పట్లో మంచి రెస్పాన్స్‌ను అందుకుంది. అయితే ఈ మూవీతోనే అతడు దర్శకుడిగా ఇండస్ట్రీకి పరిచయం అయ్యాడు. ఈ సినిమాకి ప్రముఖ జంట దర్శకులు రాజ్ అండ్ డీకేలు నిర్మాతలుగా ఉన్నారు.
Also Read: పెళ్లి పీటలెక్కనున్న మరో అందాల నటి.. ఫొటోస్ వైరల్!
కాగా ఇప్పుడు ఆ దర్శకుడు తన కెరీర్‌లో రెండో సినిమా తీయడానికి సిద్ధమయ్యాడు. ఈ మూవీకి సంబంధించిన పలు అప్డేట్లను సినీ ప్రపంచానికి చాటి చెప్పనున్నాడు. ఈ మూవీ నుంచి టైటిల్ అండ్ కాన్సెప్ట్ వీడియో గ్లింప్స్‌ని స్టార్ హీరోయిన్, రాజ్, డీకేల చేతులు మీదుగా రేపు సాయంత్రం 4.56 గంటలకు రిలీజ్ చేయనున్నారు.
ఈ మూవీలో అనుపమ పరమేశ్వరన్ ప్రధాన పాత్రలో నటించబోతుంది. ఆమెతో పాటు ‘జయ జయ జయ జయ హే’ ఫేమ్ మాలీవుడ్ నటి దర్శనా రాజేంద్రన్ ఈ మూవీతో తెలుగు తెరకు పరిచయం అవుతోంది. సంగీత, రాగ్ మయూర్ కీలక పాత్రలు పోషిస్తున్నారు. శ్రీనివాసులు పి, విజయ్ డొంకాడ, శ్రీధర్ మక్కువ ఈ చిత్రానికి నిర్మాతలుగా వ్యవహరిస్తున్నారు. గోపీ సుందర్ స్వరాలు సమకూరుస్తున్నారు. కాగా ఈ మూవీ ట్రావెల్ నేపథ్యంలో తెరకెక్కబోతుందని తెలుస్తోంది. అంతేకాకుండా ఎంతో సాహసోపేతంగా కూడా ఉండబోతున్నట్లు టాక్ వినిపిస్తోంది.
Share
T20 World Cup 2024: ఐపీఎల్‌లో అదరగొడుతున్న పంత్.. అమెరికా విమానం ఎక్కడం ఖాయమే!
Amazon Great Summer Sale : అమెజాన్ గ్రేట్ సమ్మర్ సేల్.. ఈ ప్రొడక్ట్స్‌పై 75 శాతం డిస్కౌంట్!
