Ram Charan: ట్రూ లెజెండ్ అవార్డ్ అందుకున్న రామ్ చరణ్.. గర్వంగా ఉందంటూ చిరు ట్వీట్‌

Ram Charan : RRRతో పాన్ ఇండియా లెవ‌ల్లో బ్లాక్ బ‌స్ట‌ర్ హిట్ సాధించిన రామ్‌చ‌ర‌ణ్ .. ఇప్పుడు అదే రేంజ్ క్రేజీ ప్రాజెక్టుల‌ను లైన్‌లో పెడుతున్నారు. ఇప్ప‌టికే ఆయ‌న శంక‌ర్‌తో RC 15 మూవీ చేస్తున్న సంగ‌తి తెలిసిందే. నెక్ట్స్ సినిమాగా RC 16ను బుచ్చిబాబు ద‌ర్శ‌క‌త్వంలో చేస్తున్నారు. ఈ ప్రాజెక్ట్స్‌ను అనౌన్స్ కూడా చేశారు. ప్ర‌ముఖ ఆంగ్ల పత్రిక అందింస్తోన్న ఫ్యూచ‌ర్ ఆఫ్ యంగ్ ఇండియా ట్రూ లెజెండ్ అవార్డును ఈ ఏడాది రామ్ చరణ్ అందుకున్నారు. చ‌ర‌ణ్ అవార్డుని అందుకున్న ఫొటోను షేర్ చేసిన చిరంజీవి ‘కంగ్రాట్స్ చరణ్.. నువ్వు ఫ్యూచర్ ఆఫ్ యంగ్ ఇండియాలో ట్రు లెజెండ్ అవార్డుని అందుకున్నందుకు నేను, మీ అమ్మ గర్వంగా ఫీల్ అవుతున్నాం. ఇలాగే ముందుకు సాగాలని కోరుకుంటున్నాం’ అని ట్వీట్ చేశారు. చరణ్‌తో చిరంజీవి, సురేఖ కలిసి ఉన్న ఫొటోలను షేర్ చేశారు.

పాన్ ఇండియా హీరోగా మెప్పించేలా వ‌రుస సినిమాలు చేస్తున్న రామ్ చ‌ర‌ణ్ ఈ ట్వీట్‌కు ల‌వ్ యు నాన్న అంటూ రిప్ల‌య్ ఇచ్చారు. ఈ అవార్డు వేడుక‌లో చిరంజీవి గురించి, ఆయ‌న చేస్తున్న సేవ‌లు గురించి రామ్ చ‌ర‌ణ్ తెలియ‌జేస్తూ అవార్డుని ఆయ‌న‌కి అంకితం ఇచ్చారు. ప్రస్తుతం రామ్ చరణ్ అవార్డు అందుకున్న ఫొటోలు, వీడియోలు నెట్టింట తెగ వైరల్ అవుతున్నాయి. మెగా ఫ్యాన్స్ చాలా హ్యాపీగా ఫీల్ అవుతున్నారు.