Ram Pothineni: ఎనర్జిటిక్ స్టార్ రామ్ పోతినేని ప్రస్తుతం మంచి హిట్ కోసం ఎదురుచూస్తున్నాడు. గతేడాది స్కంద సినిమాతో ప్రేక్షకుల ముందుకు వచ్చాడు. అయితే ఈ సినిమా ఆశించిన ఫలితాన్ని మాత్రం అందుకోలేకపోయింది. దీంతో రామ్ ఆశలన్నీ.. డబుల్ ఇస్మార్ట్ మీదనే పెట్టుకున్నాడు. పూరి జగన్నాథ్- రామ్ కాంబోలో వచ్చిన ఇస్మార్ట్ శంకర్ కు సీక్వెల్ గా డబుల్ ఇస్మార్ట్ తెరకెక్కుతుంది.
ఇక ఇందులో బాలీవుడ్ స్టార్ సంజయ్ దత్ కీలక పాత్రలో నటిస్తున్నాడు. పూరి కనెక్ట్స్ బ్యానర్ పై పూరి, ఛార్మీ ఈ సినిమాను నిర్మిస్తున్నారు. శరవేగంగా షూటింగ్ జరుపుకుంటున్న ఈ సినిమా మధ్యలోనే ఆగిపోయిందని వార్తలు వినిపిస్తున్నాయి. అందుకు కారణం రామ్ పారితోషికమని అంటున్నారు. ఈ సినిమా కోసం రామ్.. భారీ రెమ్యూనిరేషన్ ను డిమాండ్ చేశాడని.. ఆర్థిక సమస్యల వలన డబుల్ ఇస్మార్ట్ మధ్యలోనే ఆగిపోయిందని టాక్. అయితే తాజాగా అందుతున్న సమాచారం ప్రకారం ఇందులో నిజం లేదని తెలుస్తోంది. రామ్ పారితోషికం వలన మాత్రమే ఈ సినిమా ఆగిపోలేదట. ఇంకా చెప్పాలంటే అస్సలు రామ్.. ఈ సినిమాకు రెమ్యూనిరేషన్ తీసుకోవడం లేదట.
సినిమా ప్రాఫిట్ లో షేర్స్ తీసుకోవడానికి రెడీ అయ్యి డబుల్ ఇస్మార్ట్ చేస్తున్నట్లు తెలుస్తోంది. మొదట అడ్వాన్స్ అయినా తీసుకొని చేయాలనుకున్నాడట.. కానీ అది కూడా కష్టంగా ఉండడంతో ప్రాఫిట్ లోనే మొత్తం తీసుకుందామని.. డబ్బు తీసుకోకుండా సినిమా చేస్తున్నాడట రామ్. ఇది ఒకరకంగా సినిమాకు మంచిదేమో కానీ, రామ్ కు నష్టమే మిగులుతుంది. సినిమా హిట్ అయితే ఓకే కానీ..ఒకవేళ ప్లాప్ అయితే మాత్రం ఎక్కువ నష్టపోయేది రామ్ మాత్రమే. అయితే రామ్ డబ్బు విషయాన్నీ పెద్దగా పట్టించుకోడు అనుకుంటే.. సినిమాల ప్లాప్ టాక్ తో అతని ఇమేజ్ డ్యామేజ్ అయ్యే అవకాశం కూడా లేకపోలేదు. ఇప్పటికే ప్లాప్ ల మీద నడుస్తున్న రామ్. మరో ప్లాప్ ను మూట కట్టుకుంటాడో.. హిట్ అందుకొని సక్సెస్ తో పాటు షేర్స్ కూడా అందుకుంటాడో చూడాలి.
Share
Raisi discuss sharif: మూడురోజుల టూర్, రిలేషన్స్, వాణిజ్యంపై దృష్టి..!
Samsung Galaxy S 22 5G Mobile: ఊహించని బంపర్ ఆఫర్.. సగం ధరకే సామ్సంగ్ ఫోన్..!
