Rana Naidu 2 Update: ‘రానా నాయుడు 2’లో పవర్‌ఫుల్ విలన్.. ఆ పాత్రలో దుమ్ము దులిపేస్తాడంట!

Update on Rana Naidu 2 Web Series: ఈ మధ్య ఓటీటీలకు మంచి గిరాకి పెరిగింది. స్టార్ హీరోల సైతం ఓటీటీలో కనిపించేందుకు ఎక్కువగా ఆసక్తి చూపిస్తున్నారు. ఇప్పటికే బడా హీరోలు ఓటీటీలో సినిమా, సిరీస్‌లు చేసి ఆడియన్స్‌ను అలరించారు. అందులో టాలీవుడ్ సీనియర్ హీరో విక్టరీ వెంకటేష్ ఒకరు. గతేడాది ‘రానా నాయుడు’ అనే వెబ్ సిరీస్‌తో ప్రేక్షకులను పలకరించాడు. ఇందులో వెంకటేష్, రానా కలిసి నటించారు. గతేడాది మార్చి 10 ప్రముఖ ఓటీటీ సంస్థ నెట్‌ఫ్లిక్స్‌లో స్ట్రీమింగ్‌కు వచ్చింది.

అయితే స్ట్రీమింగ్ అయిన మొదటి నుంచే మిక్స్‌డ్ టాక్ తెచ్చుకుంది. అంతేకాకుండా ఈ సిరీస్‌పై తీవ్రమైన విమర్శలు వెల్లువెత్తాయి. దానికి కారణం ఇందులో అసభ్యకర సన్నివేశాలు ఉండటం. అందువల్ల ఓటీటీ కంటెంట్‌కు సెన్సార్ లేకపోతే ఇలాంటి కంటెంట్‌లు తీస్తారా?.. అంటూ ఆ మధ్య విమర్శలు వచ్చాయి. అంతేకాకుండా హీరో వెంకటేష్‌ను కూడా తీవ్రంగా ట్రోల్ చేశారు. ఆయన నోటివెంట బూతులు వినాల్సి వస్తుందని ఏనాడు అనుకోలేదని ఆయన ఫ్యాన్స్ కూడా మాట్లాడుకున్నారు.

ఎన్నో సినిమాల్లో తన నటనతో, కామెడీ డైలాగ్‌లతో, ఎమోషన్ సన్నివేశాలను సైతం పిప్పి పిండిచేసిన వెంకటేష్.. ఇప్పుడు ఇలాంటి సినిమాలు చేయడమేంటని ట్రోల్స్ చేశారు. అయితే మరికొందరు మాత్రం ప్రస్తుత జెనరేషన్‌కు తగ్గట్టుగా హీరోలు కూడా తమ క్యారెక్టర్లను, స్టోరీలను సెలెక్ట్ చేసుకుంటున్నారని చర్చించుకున్నారు.

కాగా ఈ సిరీస్ విడుదలయ్యి ఏడాది పూర్తవడంతో ఈ సిరీస్‌ సీక్వెల్‌కు సంబంధించి ఓ అప్డేట్ నెట్టింట వైరల్ అవుతోంది. ఈ సీక్వెల్ సిరీస్‌లో పవర్ ఫుల్ పోలీస్ ఆఫీసర్ కోసం ‘ఏజెంట్’ మూవీ నటుడిని మేకర్స్ రంగంలోకి దించినట్లు తెలుస్తోంది. అతడు మరెవరో కాదు. ‘ఏజెంట్’ మూవీలో పవర్ ఫుల్ విలన్ పాత్రలో కనిపించిన డినో మోరియా.

Also Read: రానా నాయుడు.. షాకింగ్ నిర్ణయం తీసుకున్న నెట్‌ఫ్లిక్స్..

ఈ నటుడు రానా నాయుడు 2తో ఓటీటీ ఆడియన్స్‌ను పలకరించనున్నట్లు తెలుస్తోంది. ఆల్రెడీ తన పాత్రకు సంబంధించి కొంత షూటింగ్ కూడా కంప్లీట్ అయినట్లు తెలుస్తోంది. ఆయన పాత్ర ఇందులో ఎంతో కీలకంగా ఉండబోతున్నట్లు సమాచారం. ఇక త్వరలో మిగతా నటీనటుల కూడా సెట్‌లో అడుగుపెట్టనున్నట్లు టాక్ వినిపిస్తోంది. అలాగే ఫస్ట్ పార్ట్‌లో కనిపించే నటీ నటులు కూడా ఈ సెకండ్ పార్ట్‌లో కంటిన్యూ అవుతారని తెలుస్తోంది.