Ranbir kapoor: అభిమాన హీరో, హీరోయిన్లు, ప్రముఖులు కనిపిస్తే వారితో సెల్ఫీ దిగడానికి చాలా మంది ఎగబడుతుంటారు. ఆటోగ్రాఫ్ తీసుకుంటారు. ఇలానే ఓ అభిమాని సెల్ఫీ తీసుకునేందుకు ప్రయత్నించగా బాలీవుడ్ హీరో రణబీర్ కపూర్ అతని ఫోన్ తీసుకొని కోపంతో విసిరేశాడు. ప్రస్తుతం ఇందుకు సంబంధించిన వీడియో సోషల్ మీడియాలో వైరలవుతోంది.
ఓ ఈవెంట్‌లో పాల్గొని రణబీర్ కపూర్ వెళ్తుండగా.. అభిమానులు అతడిని చుట్టుముట్టారు. సెల్ఫీల కోసం ఎగబడ్డారు. ఈక్రమంలో ఓ అభిమాని సెల్ఫీ అడగగా.. అందుకు రణబీర్ ఒప్పుకొని నవ్వుతూ ఫోజులిచ్చాడు. అయితే ఆ సెల్ఫీ సరిగా రాకపోవడంతో అభిమాని మళ్లీ దిగడానికి ప్రయత్నించాడు. దీంతో రణబీర్‌కు కోపం వచ్చి అతని చేతిలోని ఫోన్ తీసుకొని విసిరేశాడు. దీంతో అక్కడున్న వాళ్లంతా ఒక్కసారిగా షాక్ అయ్యారు.
ఇందుకు సంబంధించిన వీడియో నెట్టింట్లో వైరలవుతుండగా.. నెటిజన్లు రకరకాలుగా కామెంట్లు పెడుతున్నారు. కొందరు రణబీర్‌ను తప్పుపడుతుంటే.. మరికొందరు అతడు మళ్లీ మళ్లీ సెల్ఫీల కోసం ప్రయత్నించడంతోనే రణబీర్ అలా చేశాడని సమర్థిస్తున్నారు.
Share
Saturday:పిండిదీపంతో శనివారం నాడు పూజిస్తే…
Israel: కాల్పులతో దద్దరిల్లిన ఇజ్రాయెల్.. ఉగ్రవాదితో సహా 8 మంది మృతి
