RGV: వివాదాస్పద దర్శకుడు రాంగోపాల్ వర్మ ఏం చేసినా బ్రేకింగే.. ఏం మాట్లాడినా వివాదాస్పదమే. ఇటీవల ఆయన నాగార్జున యూనివర్సిటీలో చేసిన వ్యాఖ్యలు తీవ్ర దుమారం రేపుతున్నాయి. ఈ వ్యాఖ్యలపై పెద్ద ఎత్తున విమర్శలు వ్యక్తమవుతున్నాయి. మహిళా సంఘాలు మండిపడుతున్నాయి.
ఈక్రమంలో ఆర్జీవీపై చర్యలు తీసుకోవాలని కాంగ్రెస్ సీనియర్ నేత వీ. హనుమంతరావు ఏపీ సీఎం జగన్‌కు లేఖ రాశారు. యూనివర్సిటీ వైస్ ఛాన్సలర్‌ను సస్పెండ్ చేయాలని, రాంగోపాల్ వర్మపై చర్యలు తీసుకోవాలని లేఖలో కోరారు. అలాగే ఆర్జీవీకి దమ్ముంటే ఉస్మానియా లేదా కాకతీయ యూనివర్సిటీలో ఇటువంటి వ్యాఖ్యలు చేయాలని సవాల్ విసిరారు.
ఇక దీనిపై ఆర్జీవీ ట్విట్టర్ వేదికగా స్పందించారు. హనుమంతరావుపై సెటైర్లు వేశారు. ‘‘ఓ తాతగారూ మీరింకా వున్నారా?? NASA యాక్ట్ వర్తించదు TADA యాక్ట్‌ని 1995 లోనే తీసేశారు.. ఇది కూడా తెలియని మీ లాంటి లీడర్స్ మూలానే కాంగ్రెస్‌కి ఆ గతి.. ఒక సారి డాక్టర్‌కి చూపించుకొండి’’ అని ఎద్దేవా చేస్తూ ట్వీట్ చేశారు. ప్రస్తుతం ఈ ట్వీట్ సోషల్ మీడియాలో వైరలవుతోంది.