Rishab Shetty: ఈరోజు నా దేవుడిని కలిశాను.. కాంతార హీరో ఎమోషనల్ పోస్ట్ వైరల్

Rishab Shetty: అభిమానులకే కాదు.. హీరోలకు కూడా తమ అభిమాన హీరోలను కలిసినప్పుడు ఫ్యాన్ మూమెంట్ ఫీలింగ్ ఉంటుంది. ఒక హీరోను చూసే వారు కూడా ఇండస్ట్రీలోకి వస్తారు. అలా తమను ఇన్స్పైర్ చేసిన హీరోను కలిసినప్పుడు ఆ ఆనందం మాటల్లో చెప్పలేం. ప్రస్తుతం కన్నడ స్టార్ హీరో రిషబ్ శెట్టి కూడా అదే ఆనందంలో ఉన్నానని చెప్పుకొస్తున్నాడు.

కాంతార సినిమాతో ఓవర్ నైట్ లో పాన్ ఇండియా స్టార్ గా మారాడు రిషబ్ శెట్టి. ఆయనే నటించి, దర్శకత్వం వహించిన కాంతార సినిమా ఏ రేంజ్ లో హిట్ అయ్యిందో ప్రత్యేకంగా చెప్పాల్సిన అవసరం లేదు. ప్రస్తుతం రిషబ్ శెట్టి కాంతార ప్రీక్వెల్ ను తెరకెక్కించే పనిలో ఉన్నాడు. తాజాగా రిషబ్ తన అభిమాన హీరో విక్రమ్ ను కలిశాడు.

ప్రస్తుతం విక్రమ్ తంగలాన్ సినిమా ప్రమోషన్స్ లో బిజీగా ఉన్న విషయం తెల్సిందే. తాజాగా ఆయన బెంగుళూరు వెళ్ళినప్పుడు రిషబ్ ను కలిసినట్లు తెలుస్తోంది. ఇక విక్రమ్ ను కలిసిన రిషబ్ ఆనందంతో గంతులు వేశాడు. ఈ విషయాన్ని సోషల్ మీడియా ద్వారా అభిమానులతో పంచుకున్నాడు.

” నటుడిగా మారే నా ప్రయాణంలో.. విక్రమ్ సర్ ఎప్పుడూ నాకు స్ఫూర్తి. 24 సంవత్సరాల సుదీర్ఘ నిరీక్షణ తర్వాత.. ఈ రోజు నా దేవుడిని కలుసుకోవడం ఎంతో ఆనందంగా ఉంది. ఈ క్షణం నన్ను భూమిపై అత్యంత అదృష్ట వ్యక్తిగా భావిస్తున్నాను. నాలాంటి నటీనటులను ప్రేరేపించినందుకు ధన్యవాదాలు. తంగలాన్ హిట్ కావాలని కోరుకుంటున్నాను. లవ్ యూ చియాన్” అని చెప్పుకొచ్చాడు. ప్రస్తుతం ఈ ఫోటో నెట్టింట వైరల్ గా మారింది. బెస్ట్ యాక్టర్స్ ఇన్ సింగిల్ ఫ్రేమ్.. సూపర్ ఫోటో అని ఫ్యాన్స్ కామెంట్స్ పెడుతున్నారు.