Rumours on Samantha : తెలుగు, తమిళ చిత్రాల్లో అగ్ర క‌థానాయిక‌గా రాణిస్తోన్న సమంత ఇప్పుడు మ‌యోసైటిస్ కార‌ణంగా విశ్రాంతి తీసుకుంటున్న సంగ‌తి తెలిసిందే. ఈ నేప‌థ్యంలో సమంత సినిమాల నుంచి త‌ప్పుకుందంటూ వార్త‌లు నెట్టింట వైర‌ల్ అయ్యాయి. దీనిపై సమంత ప్ర‌తినిధి వెంట‌నే రియాక్ట్ అయ్యారు. ‘‘సమంత బాలీవుడ్ స‌హా కొన్ని ప్రాజెక్టుల నుంచి త‌ప్పుకున్నారంటూ వినిపిస్తున్న వార్త‌ల్లో నిజం లేదు. ప్ర‌స్తుతం ఆమె విశ్రాంతి తీసుకుంటున్నారు. సంక్రాంతి తర్వాత విజ‌య్ దేవ‌ర‌కొండ‌తో చేస్తున్న ఖుషి సినిమా షూటింగ్‌లో పాల్గొంటారు.
అలాగే ప్ర‌స్తుతం హిందీ సినిమా షూటింగ్ జ‌ర‌గ‌టానికి ఆరు నెల‌లు ఆల‌స్య‌మ‌య్యే అవ‌కాశం ఉంది. మే నుంచి హిందీ సినిమా షూటింగ్‌లో సమంత పాల్గొంటారు. ఎక్కువ స‌మ‌యం వెయిట్ చేయ‌టం స‌రికాద‌ని ఈ సంద‌ర్భంగా నిర్మాత‌ల‌కు వివ‌రించాం. ప్ర‌స్తుతం సామ్ ఓకే చేసిన ఏ సినిమా నుంచి ఆమె డ్రాప్ కాలేదు. నెట్టింట వైర‌ల్ అవుతున్న వార్త‌ల్లో నిజం లేదు’’ అన్నారు. ఈ ఏడాది సమంత య‌శోద అనే పాన్ ఇండియా సినిమాతో ప్రేక్ష‌కుల‌ను ఆక‌ట్టుకున్నారు. ఆ సినిమా మంచి విజ‌యాన్ని ద‌క్కించుకుంది. ఈ సినిమా రిలీజ్‌కు కొన్ని రోజుల ముందే సమంత మ‌యోసైటిస్‌తో బాధ‌ప‌డుతున్న‌ట్లు క‌న్‌ఫ‌ర్మ్ అయ్యింది. ఆమె బెడ్‌పైనే ఉండి య‌శోద సినిమా డ‌బ్బింగ్ కూడా పూర్తి చేశారు.
Share
Hari Hara Veera Mallu: కొత్త ఏడాదిలో ‘హరి హర వీర మల్లు’ ట్రీట్
Manipur : డ్రైవర్ నిర్లక్ష్యం.. బస్సు బోల్తా..16 మంది విద్యార్ధినులు దుర్మరణం..
