SKN: ఇచ్చిన మాట నిలబెట్టుకున్న బేబీ నిర్మాత.. పవన్ కళ్యాణ్ గెలవడంతో..

SKN: బేబీ సినిమా నిర్మాత SKN గురించి ప్రత్యేకంగా చెప్పాల్సిన అవసరం లేదు. ఒక చిన్న న్యూస్ రిపోర్టర్ గా కెరీర్ ను ప్రారంభించి.. ఆ తరువాత అల్లు అర్జున్ కు పీఆర్ గా పనిచేసి.. చిన్న చిన్న సినిమాలకు కో ప్రొడ్యూసర్ గా ఉంటూ బేబీ సినిమాతో నిర్మాతగా మారాడు. మొదటి సినిమాతోనే మంచి విజయాన్ని అందుకున్నాడు.

ఇక సినిమాల విషయం పక్కన పెడితే.. SKN..మెగా ఫ్యామిలీకి వీరాభిమాని అన్న విషయం తెల్సిందే. ముఖ్యంగా పవన్ కళ్యాణ్ కు పెద్ద అభిమాని. మెగా ఫ్యామిలీ గురించి ఎవరు తక్కువ మాట్లాడినా SKN అస్సలు వదలడు. ఇక పవన్ కళ్యాణ్ విజయం కోసం ఈ నిర్మాత కూడా కృషి చేశాడు. మరో నిర్మాత బన్నీ వాష్ తో కలిసి SKN.. పిఠాపురంలో ప్రచారం కూడా చేశారు. ఆ సమయంలో సోషల్ మీడియాలో ఒక వీడియోను చూసి SKN ఒక మాట ఇచ్చాడు.

మరియమ్మ అనే  బామ్మ.. పవన్ కళ్యాణ్ గెలిస్తే.. నా భర్త రిక్షా తొక్కి సంపాదించిన డబ్బుతో ఊరంతా పార్టీ ఇస్తా అని చెప్పింది. ఇక ఆ వీడియోను షేర్ చేస్తూ.. పవన్ కళ్యాణ్ గెలిస్తే.. ఈ అవ్వకు కొత్త ఆటో కొనిస్తాను అని చెప్పి ప్రమాణం చేశాడు. బామ్మ అన్నట్లుగానే పవన్ గెలిచాడు. ఇక ఇచ్చిన మాటను SKN సైతం నిలబెట్టుకున్నాడు. నేడు.. బామ్మ ఇంటికి వెళ్లి.. వారికి ఆటోను బహుమతిగా ఇవ్వడమే కాకుండా ఆటోలో ఆమెతో పాటు ప్రయాణించాడు.

” నేను చెప్పినట్లు చేసాను. మరియమ్మ గారి కుటుంబానికి మా నాయకుడి పట్ల ఉన్న స్వచ్ఛమైన ప్రేమకు ఆటోను బహుమతిగా ఇచ్చాను. వారి మనవడు దానిని నడిపి వారి కుటుంబాన్ని చూసుకుంటాడు. వారి సంతోషకరమైన కళ్లను చూసినందుకు చాలా సంతోషంగా ఉంది. మా నాయకుడు పవన్ కళ్యాణ్ గారు.. ఆయన ఫ్యాన్స్ ఫాలోవర్స్ ఎప్పుడూ గర్వపడేలా చేస్తారు” అంటూ రాసుకొచ్చాడు. ప్రస్తుతం ఈ పోస్ట్ నెట్టింట వైరల్ గా మారింది. SKN చేసిన పనికి నెటిజన్స్ ప్రశంసలు కురిపిస్తున్నారు.

And I did as I said
Gifted an auto to mariyamma gari family for their pure love about our Leader. Their grand son gonna drive it and take care of their family
Very happy to see their happiest eyes ,
More power to our leader @PawanKalyan garu , his fans followers always ll make… https://t.co/8T3ED24qAN pic.twitter.com/9OE7Nmfp4F

— SKN (Sreenivasa Kumar) (@SKNonline) July 11, 2024

Share

• 
• 
• 
• 
• 
•